Llámase espectru políticu al ordenamientu visual de grupos y organizaciones polítiques acordies con dellos exes conceutuales. Esta clas d'ordenamientu ta condicionada poles situaciones históriques, sociales y el sistema de partíos d'una sociedá. Ún de los más emplegaos ye esquierda-drecha.
Izquierda y drecha Nos países occidentales contemporáneos, l'espectru políticu descríbese polo xeneral a lo llargo d'una llinia que va de drecha a esquierda. Esti espectru políticu tradicional ta definíu a lo llargo d'un exe col conservadorismu, la teocracia y el fascismu ("la drecha") nun estremu y el socialismu y el comunismu ("la esquierda") al otru. N'América del Norte y Europa, el términu lliberalismu refiérese a munches posiciones polítiques, munches vueltes consideraes estremaes ente los EE.XX. y el restu'l mundiu. Los lliberales considérense más bien d'izquierdes nos EE.XX. y más bien de dreches na mayor parte los países europeos – un términu qu'espeya la confrontación d'indefinición que "lliberal" tien nos EE.XX. ye'l de "centrista" o de "centru" n'Europa.
Delles interpretacioens del exe esquierda-drecha Hai delles opiniones sobro qué ye lo que se mide realmente a lo llargo d'esti exe.:
La participación del gobiernu na economía ha ser intervencionista/socialista (esquierda) o laissez-faire/capitalista (drecha). Ésta foi la distinción fundamental na mayoría los países (non nos EE.XX.) na mayor parte'l sieglu XX. L'estáu ha dar prioridá a la igualdá (esquierda) o a la llibertá (drecha). L'estáu ha dar prioridá a la llibertá social (esquierda) o a la llibertá económica (drecha). La participación del gobiernu nos asuntos éticos ha ser mínima (esquierda) o intervencionista (drecha). El gobiernu ha de s'ocupar d'asuntos como la sanidá y les pensiones (esquierda) o los individuos han de s'encargar de los mesmos (drecha). Nos asuntos económicos y financieros, la tendencia p'hacia la seguridá económica (esquierda) o p'hacia la llibertá económica (drecha).
Sicasí, non toles consideraciones son apropiaes porque tamién hai delles corrientes que d'avezu clasifiquense dientro de la izquierda que s'oponen al Estáu, como los anarquistes.
Referencies
Enllaces esternos
Categoría:Política