Benllech ye un pequeñu pueblu na islla d'Anglesey en Gales. Atópase na comunidá de Llanfair-Mathafarn-Eithaf,Ordnance Survey : Election Maps : Isle of Anglesey Retrieved 2009-08-18 que tien 3.408 habitantes.Office for National Statistics : Census 2001 : Parish Headcounts : Isle of Anglesey Retrieved 2009-08-18 La fama de la so sablera fai de Benllech (na carretera A5025, la principal carretera por Anglesey) unu de los llugares más visitaos de la isla.
El nome Benllech ye quiciabes una forma mutada de penllech, lliteralmente "cachu de cabeza", esto ye, "toque final".BBC Wales: What's in a name? o posiblemente signifique "en cayuela", encurtiáu del términu galés ar ben llech.
Benllech ye un famosu destín playeru de branu. Ye una sablera con abondosa arena. El Camín Costeru de Anglesey escurre al traviés d'ella.
Hai dellos hoteles, un camping y un sitiu pa caravanes y dellos bed and breakfasts. La comunidá tien escuela primaria (Ysgol Goronwy Owen), consulta médica, biblioteca y oficina de correos. Ente 1909 y 1950 había una estación ferroviaria cerca del pueblu, nel términu del ramal de la llinia Rede Wharf Bay.
Benllech tamién ye famosu como llugar de retiru; les sos estenses zones de bungalows tán habitaes hasta ciertu puntu por pareyes que se retiren equí tres munchos años de vacaciones familiares. Esto fai que Benllech se sietna culturalmente menos galesa y más inglesa que dellos pueblos cercanos. Los acentos de Lancashire y Mancunian óyense cuasi tan frecuentemente como'l galés nes tiendes locales. A pesar de la influyencia de la xente inglés nel área, el 63% de los habitantes de Benllech falen galés con fluidez.
Residentes destacables El poeta Goronwy Owen (1723-1769) yera natural de Llanfair Mathafarn Eithaf; el conceyu debe'l so nome a él.
Referencies
Enllaces esternos Vista panorámica de 360° de los cantiles nel camín costeru de Benllech Semeyes de Benllech y contorna en geograph Videu del pasáu y presente de Benllech por Dafydd Jones
Categoría:Comunidaes d'Anglesey