Derfel, tamién llamáu San Derfel o Derfel Gadarn ([c]adarn: "poderosu, valiente, fuerte", c. 566 - 6 d'abril de 660), foi un monxu cristianu celta del sieglu VI veneráu como un santu en Gales. Según la lleenda local galesa, Derfel foi un guerreru cortesanu del rei Arturu.people.bath.ac.uk; Consultáu'l 6 d'abril de 2018
Familia Según la tradición medieval galesa, yera fíu de Hoel, un llexendariu rei britanu de Bretaña. Na última versión del tratáu xenealóxicu Bonned y Saint ye presentáu como unu de los fíos de Hoel. La tradición galesa tamién lo rellaciona a los santos Tudwal y Armel (dambos fíos célebres de Hoel), y tamién a Cadfán, siendo esti postreru un primu so.llgc.org.uk; Welsh Classical Dictionary; Consultáu'l 6 d'abril de 2018
Vida Derfel nacería alredor del añu 566. La crónica refierse a él como unu de los únicos siete guerreros d'Arturu que llograron sobrevivir a la batalla de Camlann. Trés de los otros seis sobrevivientes tamién seríen canonizaos. Ente que otros sobrevivieron gracies a la bona suerte, Derfel lo consiguió "pol méritu de la so fuercia".
Según la llírica medieval galesa, Derfel tuvo fama de ser un destacáu guerreru. Tudur Penllyn escribió:
Derfel mewn rhyfel, gwnai'i wayw'n rhyfedd, Darrisg dur yw'r wisg, dewr yw'r osgedd. ("Derfel en guerra, empuñaba la llanza con maña, d'aceru ye la so prenda, valiente ye l'apariencia.")
"Cuando en Camlann los homes engarraben y les huestes yeren asesinaes, Derfel partía l'aceru en dos coles sos armes".
Derfel siguiría l'oficiu relixosu tres el so ésitu en Calmann. Depués d'una curtia etapa como ermitañu, créese qu'ingresó nel monesteriu de Llantwit. Tamién fundó Llandderfel en Gwynedd. Coles mesmes, sería abá d'Ynys Enlli, isla Bardsey, asocediendo al so primu San Cadfán. Según la crónica, Derfel finó por causes naturales el 6 d'abril de 660.
Veneración La festividá relixosa de Derfel tien llugar cada 5 d'abril.
Derfel foi veneráu mientres sieglos nes ilesies de Llanfihangel Llantarnam, que s'axudicaron una de les sos reliquies, y en Llandderfel, onde s'había talláu una figura de madera pal so cultu. Foi oxetu de pelegrinación nestos llugares. Na iconografía medieval ta representáu como un caballeru envueltu nuna armadura y non como un relixosu convencional. La figura de madera de Llandderfel foi requisada y esmantelada por orde de Thomas Cromwell mientres la Reforma anglicana y utilizao para quemar vivu a un sacerdote católicu, John Forest, nel distritu londinense de Smithfield. Esti fechu interpretóse como'l cumplimientu d'una profecía qu'agoraba que la figura fadría amburar a un monte (n'inglés, "forest"). Parte de la figura entá se caltién en Llandderfel.
Na ficción Derfel Cadarn ye unu de los protagonistes de la triloxía de ficción histórica The Warlord Chronicles de Bernard Cornwell, que céntrase na vida del rei Arturu na Alta Edá Media de Bretaña.
Referencies
Enllaces esternos
Tristan Gray Hulse: Three Saints, Two Wells & a Welsh Parish
Categoría:Santos y santes de Gales Categoría:Wikipedia:Mantenimientu:Persones ensin plantía nym