Silke Hornillos Klein, conocida como Silke , ye una actriz de cine española que tuvo especial relevancia na década de los años 1990.
Biografía El so padre, Pelayo Hornillos Fernández de Bobadilla, ye un abogáu valencianu, y la so madre una traductora alemana. Tien una hermana mayor, Elke, y un hermanu menor, Pelayo. Los sos padres divorciáronse cuando yera pequeña; ella y los sos hermanos criáronse col so padre. Dempués de dexar los estudios nel últimu añu, foi de viaxe y ente otres coses aprendió inglés y empezó a importar plata de la India. Anguaño, Silke vive n'Eivissa, ta casada y tien una fía.
Carrera Empezó nel mundu cinematográficu nun papel menor de Orquesta Club Virginia. La so oportunidá llegó n'apuntándose al Laboratorio William Layton de Madrid, y sobremanera al pasar la prueba pa la película Tierra de Julio Medem. Fixo de protagonista en Hola, ¿estás sola? d'Icíar Bollaín y siguió con Tengo una casa. Dempués d'esto decidió folgar por un tiempu. Tres esti paréntesis, trabayó nun curtiu llamáu Miranda hacia atrás y nuna película arxentina, Diario para un cuento. Participó en dellos anuncios, pa una conocida marca de compreses (xunto a Rossy de Palma), una conocida marca de coches y alimentos d'Andalucía. Abrió una tienda de moda cola so propia marca de ropa, Drumbalo. Tres una llarga posa, Silke volvió al cine, cola película ¿Tú qué harías por amor?. Dempués vendríen Kilómetro cero, Almejas y mejillones, Tuno negro, Cámara oscura, Iris y La hora fría.
Filmografía La hora fría (2007) Al otro lado (2005) Iris (2004) Sex (2003) Cámara oscura (2003) Sansa (2003) Tre mogli (2001) Tuno negro (2001) ¿Tú qué harías por amor? (2001) Dentro (2001) Felicidades (2000) Almejas y mejillones (2000) Km. 0 (2000) La cartera (2000) Diario para un cuento (1998) Black (1998) Miranda hacia atrás (1997) Tierra (1996) Tengo una casa (1996) Hola, ¿estás sola? (1995) Orquesta Club Virginia (1992)
Premios y nomamientos Premios Goya Añu Categoría Película Resultancia 1997 Meyor actriz revelación Tierra Nomada
Referencies
Enllaces esternos
Categoría:Actores y actrices de Madrid Categoría:Actores y actrices de cine d'España Categoría:Persones de la Comunidá de Madrid Categoría:Actores y actrices d'España