Nicolás Bardio , ye un escritor y novelista asturianu. Ye llicenciáu en ciencies polítiques pola Universidá Complutense de Madrid, máster en Información y Comunicación con especialidá en periodismu pola Universidá Llibre de Bruxeles y escritor n'asturianu y castellanu.
En narrativa tien asoleyaes les noveles Sol Reló (2008) cola editorial Trabe y Cuando ensamen les abeyes, Europa Press consultáu'l 30 d'abril de 2018 (2011) cola editorial Suburbia Ediciones. Tamién tien participao en obres coleutives, siempre en prosa, como les esbilles lliteraries Vía de Serviciu, Formientu o Estandoriu.
En 2019 recaudó más de 12.000 € pal que va ser el primer xuegu de rol n'asturianu: Depués d'ochobre. Un xuegu de rol ucrónicu d'espionaxe ambientáu na República Socialista Soviética d'Asturies, un estáu qu'asocede a la República Obrera y Campesina d'Asturies y que forma parte de la Xunión Soviética. Esi mesmu añu, gana'l Premiu Asturies Xoven de Narrativa 2019, con una novela ambientada nel mesmu universu de Depués d'ochobre: La Colomina 36.
En lliteratura infantil tien ganáu'l 1ᵉʳ Premiu Asturnews de lliteratura infantil y xuvenil El Comercio , consultáu'l 30 d'abril de 2018 col rellatu Les nueches azules del llúnada.
Amás de la narrativa de ficción, escribe y tien escritos artículos d'analís políticu y d'opinión pa dellos medios de comunicación asturianos y españoles como La Voz de Asturias, Asturias 24, Atlántica XXII, Contexto y Aición Ctxt consultáu'l 30 d'abril de 2018) o La-politica.com.
Premios
I Premiu Asturnews de lliteratura infantil y xuvenil col rellatu Les nueches azules del llúnada. Premiu Asturies Xoven de narrativa 2019 cola novela La Colomina 36. Nel entamu de 2026 ganó'l Premiu de Lliteratura en Llionés Caitano Álvarez Bardón, convocáu pol Instititu Llionés de Cultura, cola novela La conseyería de bruxería. Funcionaria en práuticas.https://www.institutoleonesdecultura.es/nicolas-bardio-premiu-lliones-caitano/
Obres En solitariu Sol Reló (Trabe, 2008) Novela Cuando ensamen les abeyes (Suburbia, 2011) Novela La Colomina 36 (Trabe, 2020) Novela Depués d'ochobre (Radagast, 2020) Xuegu de rol Del llau del nigromante (Radagast, 2020) Novela La embaxada prieta (Hoja de Lata, 2021) Novela
En llibros coleutivos y antoloxíes Vía de serviciu (Suburbia, 2007) Rellatos Formientu (Xareos!, 2006) Formientu II (Xareos!, 2007) Estandoriu (2010) Fecho na cuarentena (Ediciones Radagast, 2020)
Referencies
Enllaces esternos Columna de opinión en La Voz de Asturias de Nicolás Bardio
Categoría:Escritores d'Asturies Categoría:Escritores n'asturianu Categoría:Escritores en castellanu Categoría:Persones d'Uviéu