Aberfan ye una antigua villa minera del sur de Gales, nel valle del ríu Taf, 6 km al sur de la ciudá de Merthyr Tudful.
El 21 d'ochobre de 1966, la villa foi escenariu de la catástrofe d'Aberfan, cuando una mina de carbón colapsó afarando dellos llares y una escuela, matando 116 neños y 28 adultos.
Llugares de cultu La capiya independiente galesa de Bethania foi construyida en 1876 y reconstruyida en 1885. La capiya sirvió como sala mortuoria mientres la catástrofe de 1966, onde les víctimes aguardaben a ser identificaes polos sos familiares. La capiya foi baltada en 1967 y una nueva foi construyida en 1970. Nel añu 2007, la capiya foi clausurada pola so mala traza de caltenimientu y los oxetos históricos de la catástrofe fueron treslladaos a la badea de Cárdif.
El 11 de xunetu de 2015 hubo una quema na capiya. El cuerpu de bomberos de Merthyr Tudful, Treharris, Abercynon, Aberbargoed, Pontypridd y Y Barri asistieron al llugar, permaneciendo ocho hores nel llugar de los fechos. Les cases vecines fueron evacuaes. Un home de 27 años foi arrestáu darréu como presuntu autor de la quema.
Educación Aberfan tien dos escueles primaries, Ynysowen, al llau de Grove Field, y Ysgol Gynradd Gymraeg Rhyd y Grug, que se treslladó al antiguu edificiu ocupáu por Ynysowen.
Referencies
Enllaces esternos
Vieya Merthyr Tydfil: Aberfan - Fotografíes históriques d'Aberfan. Aberfan y centru comunitariu de Merthyr Vale
Categoría:Llocalidaes de Gales