Los bufones de Pría allúganse na llocalidá asturiana de Llames, na parroquia de Pría, nel conceyu de Llanes. Ye de l'agrupación de bufones más occidental de la mariña asturiana. Ta integráu dientro del Paisaxe Protexíu de la Mariña Oriental d'Asturies.
Un bufón ye una formación cárstica que consiste nun furu vertical formáu a pocos metros del cantu d'un cantil de roca caliar y que inferiormente comunica col mar. Cuando la marea xube y les foles baten con fuercia, espulsa escontra riba un remexu d'agua de mar pulverizada, lo que provoca un soníu característicu que ye lo que-y da'l nome de bufón. La columna d'agua pulverizada puede algamar más de 10 metros d'altor y el bufíu oirse a dellos quilómetros.
Galería
Ver tamién Bufadero Sablera de Gulpiyuri Bufones d'Arenuces Pría Villanueva de Pría
Referencies
Categoría:Espacios naturales d'Asturies