Svante Pääbo ye un biólogu suecu, especialista en xenética evolutiva. Nació en 1955 n'Estocolmu y llogró'l so docotoráu na Universidá d'Upsala en 1986. Dende 1997, desempeñóse como direutor del Departamentu de Xenética del Institutu Max Planck d'Antropoloxía Evolutiva en Leipzig, Alemaña. Foi gallardoniáu en 2022 col Premiu Nobel de Medicina.
Trabayu N'agostu de 2002, un equipu encabezáu por Pääbo publicó una serie de descubrimientos sobre'l "xen del llinguaxe", FoxP2, que ta ausente o s'atopa estropiáu en dellos individuos con discapacidaes fonoaudiolóxiques.
Pääbo ye consideráu como unu de los fundadores de la paleoxenética, disciplina qu'utiliza los métodos de la xenética pa estudiar a los primeros humanos y otres poblaciones de la prehistoria. En 2006, anunció un plan pa reconstruyir el xenoma completu del home de Neandertal, el Proyeutu del xenoma del neandertal. En 2007, Pääbo foi nomáu pola revista TIME como unu de los 100 persones más influyentes d'esi añu.
En febreru de 2009, na xunta añal de l'American Association for the Advancement of Science (AAAS), anuncióse que l'Institutu Max Planck d'Antropoloxía Evolutiva, en collaboración cola corporación 454 Life Sciences, completara'l borrador de la primer versión del xenoma del Neandertal, con más de 3 billones de pares de bases secuenciaes, proyeutu dirixíu por Svante Pääbo.
En marzu de 2010, Pääbo y los sos colegues publicaron un informe sobre l'analís del ADN d'un güesu de deu topáu nes cueves de Denisova en Siberia, que los sos resultaos suxirieron que pertenecía a un miembru estinguíu del xéneru Homo entá non reconocíu, bautizáu como homínidu de Denisova.
Premios y reconocencies En 1992, recibió'l Premiu Gottfried Wilhelm Leibniz de la Fundación Alemana d'Investigación, que ye'l más alto honor apurríu a investigadores y científicos n'Alemaña.
Pääbo foi eleutu como miembru de la Real Academia de les Ciencies de Suecia en 2000.
N'ochobre de 2009, la Foundation For the Future apurrió a Pääbo el Premiu Kistler en 2009 pol so trabayu nel aislamientu y secuenciación de ADNs antiguos.
En 2022 recibió'l Premiu Nobel de Fisioloxía o Medicina.
Galería d'imáxenes de Svante Pääbo
Bibliografía
Current Biography Yearbook, 2007, H.W. Wilson.
Referencies
Enllaces esternos
Publicaciones de Svante Pääbo en PubMed Entrevista de Eduard Punset con Svante Pääbo en rtve.es Los neandertales somos nós, según Svante Pääbo
El suecu qu'escorrió hasta cazalo al Home de Neanderthal: El científicu Svante Pääbo cunta nel llibru "L'Home de Neandertal" les aventures que llevaron a la primera secuenciación del xenoma d'una especie humana estinguida El xenoma más antiguu de la nuesa especie esclaria l'encruz colos neandertales: Los restos d'un 'Homo sapiens' que vivió en Siberia fai 45.000 años dexen concretar que dambos homínidos tuvieron fíos hai unos 55.000 años
Categoría:Biólogos y biólogues de Suecia Categoría:Premiu Princesa d'Asturies d'Investigación Científica y Téunica Categoría:Premiu Nobel de Fisioloxía o Medicina Categoría:Persones d'Estocolmu