Anthony Minghella CBE foi un direutor de cine y guionista del Reinu Xuníu. Nacíu na Islla de Wight, de padre italianu y madre escocesa, graduóse na Universidá de Hull.
Ganó'l Premiu Óscar al meyor direutor pol so trabayu na película The English Patient. Nos años 1980 trabayó pa la televisión en series britániques tantu pa la BBC como pa la ITV.
Foi en 1990 cuando empezó a trabayar nel mundu del cine. Esi añu filmó la película Truly, Madly, Deeply que foi'l so primer gran ésitu de taquilla. Este foi'l primer trabayu de Minghella como direutor, y dio-y la oportunidá d'aprender pa posteriores proyeutos más ambiciosos.
Minghella taba casáu cola coreógrafa Carolyn Choa y tenía un fíu y una fía, Max y Hanna. Max, nacíu en 1985, ye actor y unu de los protagonistes de la película d'Alejandro Amenábar, Ágora, onde da vida a Davo. Hanna foi ayudante de producción del so padre en The Talented Mr. Ripley.
Foi'l presidente del British Film Institute hasta'l so fallecimientu.
Finó a primeres hores del martes 18 de marzu de 2008 por una serie d'entueyos médicos surdíos tres el so pasu pol quirófanu, mientres el tratamientu d'un cáncer de amígdales y pescuezu.
El so hermanu, Dominic Minghella, ye tamién un conocíu guionista.
Filmografía escoyida Inspector Morse (1987, 1989, 1990) (TV) (guionista) The Storyteller (1987) (TV) (guionista) Living with Dinosaurs (1989) (TV) (guionista) Truly, Madly, Deeply (1990) Mr Wonderful (1993) The English Patient (1996) The Talented Mr. Ripley (1999) Cold Mountain (2003) Breaking and Entering (tamién llamada Violación de casa) (2006) The No. 1 Ladies Detective Agency (2008) Michael Clayton (2008) (productor executivu)
Premios
Óscar Añu Categoría Película Resultáu1999Óscar al meyor guión adautáuThe Talented Mr. Ripley1997Óscar al meyor guión adautáuThe English Patient1997Óscar a la meyor direiciónThe English Patient
BAFTA Añu Categoría Película Resultáu2003Meyor DireutorCold Mountain2003Meyor Guión AdautáuCold Mountain1997Meyor PelículaThe English Patient1997Meyor DireutorThe English Patient1997Meyor Guión AdautáuThe English Patient1992Meyor Guión OrixinalTruly, Madly, Deeply
2003 Premios "National Board of Review" - Meyor guión adautáu por Cold Mountain (2003) 1999 Premios "National Board of Review" - Meyor direutor por The Talented Mr. Ripley (1999) 1997 Premiu de la "Broadcast Film Critics Association" - Meyor direutor y meyor guión por The English Patient (1996) 1997 Premiu de la "Directors Guild of America" a la meyor direición por The English Patient (1996)
Enllaces esternos Ficha en nochedecine.com (n'español)
Referencies
Enllaces esternos
Categoría:Direutores de cine del Reinu Xuníu Categoría:Guionistes de cine del Reinu Xuníu Categoría:Ganadores del premiu Óscar a la meyor direición Categoría:Ganadores del Globu d'Oru al meyor direutor Categoría:Persones de Londres Categoría:Ganadores del premiu BAFTA Categoría:Persones finaes por entueyos quirúrxicos