thumb|Yan Fu (1853–1921).
Yan Fu (嚴復) o Yá Fu foi un escritor chinu del periodu modernu. Tradució obres filosófiques occidentales qu'exercieron gran influencia na occidentalización de China. Partidariu de l'adopción del modelu d'Estáu-nación européu, introdució nel vocabulariu chinu pallabres como «nación» y «modernu» que nun esistíen antes de la década de 1890.
Vida y pensamientu thumb|left|150px|Traducción del llibru de T.H. Huxley, Evolución y Ética (1898) Foi unu de los primeros intelectuales chinos que tuvo una esperiencia direuta d'Occidente pos estudió dos años n'Inglaterra. Tradució obres de Herbert Spencer, John Stuart Mill, Adam Smith y T. H. Huxley, autores qu'asina pudieron conocer en China. Coles mesmes escribió sobre les acusaes diferencies qu'esistíen ente China y Occidente:
Consciente de l'amenaza que suponía pa la sobrevivencia de China l'imperialismu occidental —«Nos esclavizarán y entorpecerán el desenvolvimientu del nuesu espíritu y el nuesu cuerpu», escribió—, escontra 1895 llanzó un diariu y una revista en Tianjin, onde yera presidente de l'academia naval. Pa esplicar la subordinación de China a Occidente y buscar una respuesta asumió la teoría del darvinismu social:
thumb|230px|Estatua de Yan Fu en Tianjin. Yan proponía que China adoptara'l modelu européu del Estáu-nación, pol que los chinu dexaríen de ser súbditos y convertiríense en ciudadanos. Asina, al igual que los occidentales los chinos teníen d'aprender «a vivir xuntos, a comunicase unos con otros, a confiar los unos nos otros, y a crear lleis ya instituciones, ritos y rituales pa esi fin». «Tenemos De atopar una forma de llograr que tol mundu asuma la nación como so», afirmó.
Sicasí, a la fin de la so vida, especialmente tres la Primer Guerra Mundial y la Conferencia de Paz de París (1919) que lu siguió na que China nun llogró nenguna de les sos reivindicaciones a pesar d'habese xuníu a los aliaos vencedores, punxo en cuestión el so anterior fascinación polos ideales políticos occidentales. «A midida que voi faciendo vieyu... fui llegando a la conclusión de que'l progresu d'Occidente mientres los postreros trescientos años tan solo condució al egoísmu, a les matances, a la corrupción y a la desvergüenza», escribió.
Referencies
Enllaces esternos
Categoría:Escritores de China Categoría:Escritores en chinu Categoría:Traductores de China Categoría:Traductores del inglés Categoría:Traductores al chinu Categoría:Profesores de traducción