La Orde de Lenin (en rusu Орден Ленина, Orde Lenina), llamada asina pol líder de la Revolución rusa, foi la segunda condecoración nacional n'orde d'importancia de la Xunión Soviética y la más alta condecoración civil. La Orde yera dada: A los civiles, por servicios destacaos al Estáu; A los miembros de les fuercies armaes, por serviciu exemplar; A los promotores de l'amistá y la cooperación ente los pueblos y el fortalecimientu de la paz Por otros servicios meritorios al Estáu y a la sociedá soviética.
Los premiaos como Héroe de la Xunión Soviética o Héroe del Trabayu Socialista recibíen simultáneamente la Orde, que yera concedida pol Presidium del Sóviet Supremu. Esta foi dada tamién a ciudaes, compañíes, fábriques, rexones, unidaes militares y navíos. Foi establecida pol Comité Central el 6 d'abril de 1930. El primer gallardoniáu foi'l periódicu Komsomolskaia Pravda el 23 de mayu de 1930. Los primeros gallardoniaos estranxeros fueron dos mecánicos d'aeronaves d'Estaos Xuníos, el 10 de setiembre de 1934, pola so participación nes operaciones de busca y rescate de la nave Cheliuskin.
Carauterístiques El diseñu final de la Orde de Lenin foi aprobáu en 1934. Consistía d'una medaya conteniendo un discu cola imaxe de Vladimir Lenin en platín. El discu ta arrodiáu per dos espiges de trigu en oru, y una bandera colorada cola pallabra Lenin (Ленин). Sobre la izquierda apaez una estrella colorada, y l'emblema del focete y el martiellu, tamién en colloráu, allúgase na parte inferior. La medaya yera usada na parte izquierda del pechu, orixinalmente ensin cinta, y depués con una cinta colorada con dos bandes marielles a cada llau.
Dellos premiaos thumb|200px|Decretu del Presidium de 1953 pol que se concedió la Orde de Lenin a Lidia Timashuk. Toles Repúbliques soviétiques Ciudaes Moscú Leningráu Volgográu Compañíes El diariu Pravda La fábrica d'automóviles Gorkovski Avtomobilny Zavod (GAZ) Persones Fidel Castro (1926-2016), presidente cubanu. Yuri Gagarin (1934-1968), cosmonauta. Valentina Tereshkova (n. 1937), cosmonauta. Mario del Mónaco (1915-1982), tenor italianu. Nikita Khrushchov (1894-1971), presidente del Conseyu de Ministros. Nikolái Ostrovski (1904-1936), escritor. Kim Philby (1912-1988), doble axente británicu/soviéticu. El mariscal Josip Broz Tito (1892-1980), presidente de Yugoslavia 1945-1980. Oleg Antonov (1906-1984), inxenieru aeronáuticu. Lev Yashin (1929-1990), futbolista. Viktor Chukarin (1921-1984), ximnasta artísticu. Larisa Latynina (n. 1934), ximnasta artística. El mariscal Gueorgui Zhúkov (1896-1974). Yakov Zel'dovich (1914-1987), científicu. Vladislav Tretiak (n. 1952), xugador de ḥoquei sobre xelu. Lyudmila Pavlichenko (1916-1974), francotiradora. Nikolai Chebotarev (1894-1947), matemáticu. Máximu Gorki (1868-1936), escritor. El mariscal Konstantin Rokossovsky (1896-1968). El xeneral Andréi Vlásov (1900-1946), que depués collaboró colos nazis. Dmitri Maksútov (1896-1964), ópticu. El sarxentu Melitón Kantaria (1920-1993). Arnaldo Tamayo Méndez (n. 1942), cosmonauta cubanu. Rubén Ruiz Ibárruri (1920-1942), combatiente español. Vasili Záitsev (1915-1991), francotirador. Semion Nomokonov (1900-1973), francotirador. Nikolái Kámov (1902-1973), constructor d'helicópteros. África de las Heras (1909-1988), espía ceutí, darréu nacionalizada soviética. Elena Mukhina (1960-2006), ximnasta artística. Dolores Ibárruri (1895-1989), Secretaria Xeneral del Partíu Comunista d'España. Hồ Chí Minh (1890-1969), líder vietnamita.
Ver tamién Órdenes, condecoraciones y medayes de la Xunión Soviética
Referencies
Enllaces esternos Orde de Lenin - 1930 (n'inglés)
Orde de Lenin