Joseph Tudor Hughes , quien actuó sol seudónimu de Master Hughes, foi un mozu arpista galés bien popular nel Reinu Xuníu y nos Estaos Xuníos mientres los años 1830.
Biografía Joseph nació nel conceyu d'Y Bala en 1827, fíu de David Hughes. Pocu dempués de la so nacencia, la familia treslladóse a Londres.
Hughes demostró tener talentu musical cuando solo tenía dos años y mediu d'edá. Yera bien bonu cola arpa. Los sos padres decidieron daquella unvialo a clases particulares por qu'aprendiera a tocar esi preséu. El so profesor foi T ap James.Salisbury and Winchester Journal 7 d'abril de 1834: páxina 4, columna 3: «The concert given on Wednesday» A los cinco años xubió per primer vegada al escenariu na sala de conciertos de Hanover Square en Londres. El productor Sabastian Erard, que taba ente'l públicu, quedó impresionáu pola so actuación y decidió cuntar con él pa otros espectáculos. Manchester Times, 5 d'avientu de 1835: «Master Hughe's Concert», páxina 2, columna 5 El so ésitu lu motivó a siguir tocando la so arpa Erard mientres el restu de la so carrera. A partir del añu 1833, tuvo delles actuaciones n'Inglaterra, Gales y Irlanda. Los sos conciertos espertaron l'interés de dellos caballeros. El so padre caltenía un llibru coles firmes de los críticos qu'allegaben a los sos conciertos. El llibru incluyía los nomes de miembros de la familia real británica, dames y caballeros, arzobispos y obispos, xenerales y otros líderes políticos.
N'ocasiones cuntaba col sofitu de dos de los sos hermanos mientres los conciertos, unu de los cualos foi l'inxenieru y profesor David Edward Hughes.
Amás de tocar l'arpa, Joseph Hughes yera compositor. Dalgunes de les sos composiciones fueron publicaes sol títulu de British Melodies en 1839.
Eisteddfod En 1835 tocó l'arpa nel Eisteddfod de Llannerch-y-medd. Recibió la orde d'Orsedd per parte de David Griffith. El so rangu en Orsedd yera'l de Blegwryd ab Seisyllt. Hughes ye probablemente la persona más moza de la hestoria en recibir la orde de Orsedd, yá que solo tenía ocho años d'edá cuando llogró la condecoración. Nel Eisteddfod de Bala, en 1836, Richard Parry lu nomó miembru del comité.
Muerte En 1838 Hughes emigró al pie de la so familia a los Estaos Xuníos, onde siguió adelantre colos sos viaxes musicales. El 12 de mayu de 1841 la familia de Hughes decidió dir dar un paséu en bote a lo llargo del ríu Hudson magar les males condiciones climátiques. Hughes, que nesi tiempu solo tenía 13 años, cayó del bote y foi abasnáu pola corriente.
Galería
Referencies
Enllaces esternos
Categoría:Compositores del Reinu Xuníu Categoría:Músicos y músiques del Reinu Xuníu Categoría:Persones de Gales