Espasa-Calpe foi una editorial española qu'esistió mientres bona parte del sieglu XX.
Historia Nació en 1925 de la unión de dos editoriales: Calpe, fundada por en 1918 por Nicolás María de Urgoiti, y Espasa, fundada en 1860 por Pablo y José Espasa Anguera.
La empresa surdida de la fusión, denominada Espasa-Calpe, quedó so control de la compañía Papelera Española, y nel so momentu constituyó una de les empreses editoriales más importantes de la dómina. La nueva editorial cuntó amás con un ventaxosu contratu de suministru cola Papelera. Amás, Calpe comprometiérase a siguir la producción de la famosa Enciclopedia «Espasa», y tamién a la so distribución. Espasa-Calpe abrió en Madrid una importante llibrería, la Casa del Libro, asitiada en plena Gran Vía. Siguió cola producción de l'agora denominada Enciclopedia Espasa-Calpe. Amás, amplió les sos operaciones escontra Suramérica, estableciendo una sede na capital arxentina, Buenos Aires. Dende ellí estendió'l so mercáu a otros países, como Chile, Uruguái, Perú, Méxicu o Cuba.
En 1984 la editorial instituyó el Premiu Espasa-Calpe d'Ensayu, de calter añal, que sigue apurriéndose na actualidá.
Espasa-Calpe siguió esistiendo hasta qu'en 1991 foi adquirida pol Grupu Planeta, que pagó por ella la cifra de 15.000 millones de pesetes de la dómina. Dende entós pasó a formar parte del grupu Planeta, anque calteniendo la so identidá como editorial «Espasa».
Referencies
Bibliografía
Enllaces esternos
Categoría:Espasa Categoría:Editoriales d'España Categoría:Organizaciones fundaes en 1925 Categoría:Organizaciones sumíes en 1991