Manuel Cáceres Artesero , más conocíu como Manolo «el del Bombo», foi un famosu aficionáu de la seleición española de fútbol y del Valencia C.F. Carauterizóse por asistir a tolos partíos de la seleición española per tol mundu, tanto partíos amistosos como oficiales, cola so camiseta de la seleición, la so enorme boina y l'epónimu bombu. Ye bien común velo nes escenes onde s'enfoca al públicu en cualquier partíu de la seleición española. Tamién animó a la seleición española de baloncestu mientres dalgunos de los partíos del Eurobasket 2007 apostáu n'España.
Rexentó'l chigre Tu Museo Deportivo, al llau del estadiu de Mestalla. A principios de 2011, por cuenta de la nueva normativa municipal valenciana que-y torga emitir partíos de fútbol nes múltiples televisiones que tien instalaes escontra l'esterior de la terraza, y a los efeutos de la nueva llei antitabacu, declaró a los medios que munchos chigres veríense obligaos a zarrar,Manolo el del Bombo cierra su bar en Valencia tras 21 años lo que foi tracamundiáu como l'anunciu del so propiu zarru. Manolo «el del Bombo» llindóse a quitar la máquina espendedora de tabacu a manera de protesta.
Vistimientu Suel dir vistíu cola camiseta colorada de la seleición col númberu 12, con una boina, un cachirulo y un gran bombu cola bandera y l'escudu d'España.
Referencies
Enllaces esternos
Categoría:Seleición de fútbol d'España Categoría:Valencia Club de Fútbol Categoría:Persones de la provincia de Ciudá Real Categoría:Persones de la Comunidá Valenciana