Lisardo Lombardía Yenes ye un organizador cultural asturianu.
Biografía Estudió medicina na Universidá d'Uviéu, u foi el direutor del coru universitariu de 1973 a 1983. Darréu exerció de médicu pero al poco entamó a interesase por actividaes culturales. Ye conocíu pol so trabayu como periodista, promotor musical y responsable de la discográfica asturiana FonoAstur, compañía cola que trabayaron destacaos grupos de folk asturianu como Beleño, Llan de Cubel, Mariluz Cristóbal Caunedo o Ramón Prada. Destaca amás el so llabor etnográficu al frente de la Fundación Cultural Belenos, organización qu'espubliza la revista Asturies, memoria encesa d'un país. Fundó y dirixó'l Club de Prensa Asturiana nel periódicu La Nueva España ente 1989 y 2007. Foi miembru del Conseyu Cultural de BretañaAnuariu del conseyu cultural de Bretaña y dirixó'l Festival Intercélticu de Lorient dende'l 1 d'abril de 2007 a 2020.
Vida personal Casó cola pediatra Celia González Baschwitz en 1979 y tienen dos fíes.
Premios Medaya de Plata d'Asturies, 2015 Caballeru de les Artes y de les Lletres, 2021
Referencies
Enllaces esternos
Categoría:Medaya de plata d'Asturies Categoría:Persones de Llaviana Categoría:Alumnáu de la Universidá d'Uviéu