Brittney Yevette Griner ye una xugadora de baloncestu d'Estaos Xuníos qu'anguaño milita nes Phoenix Mercury de la Women's National Basketball Association (WNBA). Xugó baloncestu universitario na Universidá de Baylor en Waco, Texas. Foi la primer xugadora de baloncestu de la NCAA n'anotar 2,000 puntos y taponar 500 tiros. En 2012, el trés vegaes All-American foi nomada Xugadora del Añu AP y Xugadora Más Sobresaliente de la Final Four.

Mide 6 pies y 8 pulgaes (2,03 m) d'altor, Griner usa zapatielles de tamañu 17 d'homes y cuenta con una estensión de los brazos de 86 pulgaes (2,2 m). Amás de ser una de les meyores xugadores de la WNBA, Griner ye bien popular por realizar mates con cierta frecuencia.

En 2009, Griner foi nomada xugadora de baloncestu femenín númberu 1 de los institutos de la nación por Rivals.com. Griner foi escoyida pal equipu de baloncestu McDonald's All-American. En 2012 concedióse-y el premiu ESPY como la meyor atleta femenina.

Biografía Foi duru. Ser acosada por ser distintu. A cencielles por ser más alta, pola mio sexualidá, por tou.— Brittney Griner, nuna entrevista. Nuna entrevista concedida a Sports Illustrated el 17 d'abril de 2013 Griner declaróse públicamente homosexual y confesó sufrir bullying dende neña.

Carrera

Universidá

Estadístiques Añu Equipu PX PT MPP %TC %3P %TL RPP APP ROB TPP PPP 2009–10 Baylor 35 35 33.5 .503 .000 .684 8.5 1.0 0.5 6.4 18.4 2010–11 Baylor 37 37 31.8 .543 .500 .777 7.8 1.4 0.4 4.6 23.0 2011–12 Baylor 40 40 32.7 .609 .500 .800 9.5 1.6 0.6 5.2 23.2 2012–13 Baylor 36 36 30.8 .607 .000 .712 9.4 2.4 0.7 4.1 23.8 Total 148 148 32.2 .565 .255 .745 8.8 1.9 1.0 5.1 22.1

WNBA

Phoenix Mercury Brittney Griner foi escoyida na primer ronda (puestu 1) del Draft de la WNBA de 2013 por Phoenix Mercury, debutó coles Mercury el 27 de mayu de 2013 ante les Chicago Sky con 17 puntos, 8 rebotes, una asistencia, un robu y 4 tapones. Nesi partíu convertir na primer xugadora de la WNBA en faer un mate desque lo fixera Candace Parker en 2008, amás de ser la primera rookie en consiguilo'l día del so debú. Tamién estableció un récor de más mates realizaos por una muyer nun partíu de la lliga profesional, con dos machuques.

Estadístiques

Temporada regular Añu Equipu PX PT MPP %TC %3P %TL RPP APP ROB TPP PPP 2013 Phoenix 27 27 25.9 .556 .000 .724 6.3 1.0 0.5 3.0 12.6 2014 Phoenix 34 34 30.7 .578 .000 .802 8.0 1.6 0.6 3.7 15.6 2015 Phoenix 26 26 30.7 .565 .000 .773 8.1 1.3 0.3 4.0 15.1 2016 Phoenix 34 34 29.2 .548 .000 .831 6.5 1.0 0.3 3.1 14.5 2017 Phoenix 26 26 31.5 .577 .000 .812 7.6 1.9 0.6 2.5 21.9 Total 147 147 29.6 .566 .000 .797 7.3 1.4 0.5 3.3 15.8

Referencies

Enllaces esternos Web oficial

Perfil de la WNBA

Categoría:Xugadores de baloncestu de Texas Categoría:Xugadores de baloncestu de la WNBA Categoría:Persones de Houston