La sablera de Frexulfe ye una sablera asitiada nel conceyu de Navia, nel pueblu de Frexulfe, na parroquia de Piñera. Nella desemboca'l ríu Frexulfe. Atopámosla a 5 km al este de Navia.
La sablera tien un llargor de 800 metros y nel so estremu oriental alcuéntrase la boca'l ríu.
Declarada Monumentu Natural pola so importante vexetación de tombos, el so ecosistema, l'amplia sablera y el campu de dunes. La superficie total de la fastera protexida (cantiles, sable, dunes y ría) mide 15 hectárees. Los cantiles son abellugu de ñeros d'aves, delles protexíes como l'ostreru o la mabea.
El so fácil accesu que permite'l so usu y esfrute por gran númberu de xente, fai perimportante l'enfotu y l'esfuerciu de toos pa la so conservación y meyora.
Referencies
Enllaces esternos
Categoría:Sableres de Navia Categoría:Espacios naturales d'Asturies