El pueblu cántabru(en llatín cantăber) foi un pueblu prerromanu qu'habitaba nel norte la península Ibérica, nun territoriu más estensu que la comunidá autónoma de Cantabria actual. La so capital alcontrábase n'Amaya, güei na provincia de Burgos (ver mapa).
Tiénense noticies de delles tribus o clanes, como puen ser los salaenos, orgenomescos, avariginios, blendios y coniscos nel llitoral, y cadinienses, concanos, plentusios, tamáricos y morecanos nel interior.
Descripción La primer mención histórica documentada sobre esti pueblu proporciónanosla Catón el Vieyu na so obra Los Oríxenes, de la que se caltienen dellos retayos. Nún d'ellos fala de la campaña que'l propiu Catón fixo pela península Ibérica cuando yera cónsul nel añu 195 e.C. Diz: «...fluvium Hiberum: is oritur ex Cantabris, magnus atque pulcher, pisculentus»: «El ríu Ebro: naz en tierra de Cántabros, grande y formosu, abondosu en pexes».
Esti tipu de referencies amuésanos yá a los cántabros como una unidá social conocida nel sieglu III e.C, lo que premitiría datar la so xénesis ente finales de la Edá del Bronce y principios de la Edá del Fierro. Darréu d'esi escritu de Catón les menciones d'historiadores, xeógrafos griegos y llatinos son abondes, sobre manera demientres la so resistencia nes Guerres Cántabres escontra Roma.
Aportáronmos dellos testos que describen a esti pueblu, como'l versu del poeta Horaciu: «Cantabrum indoctum iuga ferre nostra», que significa «El cántabru, non aprendió a portar el nuesu xugu», o l'estractu del xeógrafu romanu Estrabón: right|thumb|250px|Cabuercu cántabru de Barros (Cantabria). De piedra arenisca y con espigón de banca, les sos dimensiones son de 1,70 m de diámetru y 0,32 m d'espesor.
Xenealoxía right|200px|Monumentu al cántabru en Santander|thumb
Nos xacimientos arqueolóxicos cantábricos afáyense, sobre un sustratu neolíticu matriarcal, elementos de poblaciones indoeuropees previes a les céltiques. Estes poblaciones provendríen de la rexón del Danubiu y la cultura funeraria de Campos d'Urnes de la Edá del Bronce p'asentase dempués, nel segundu mileniu enantes de Cristu, en tornu al altu Ebro.
Tanto los xentilicios emplegaos por delles tribus o clanes cántabros — en particular el de los orgenomescos, asina como los cultos equinos, son asemeyaos a los de los sármates y moesios, Mekhi o micénicos. Estos últimos, de llingua indo-europea tamién, provendríen de les rexones al norte del Danubiu y emigraron a llugares mui remotos calteniendo los sos nomes orixinales o variantes, según James P. Mallory . Estudios xenéticos de la población actual, detecten nos xenes masculinos un porcentaxe significante con filiacion al haplogurupu E3b, que n'Europa ye mayoritariu en poblaciones contemporánees del ámbitu del Mar Exéu, Macedonia, Bulgaria, Albania y l'antigua Tracia. Esti elementu xenéticu pudo aportar tamién a Cantabria coles colonies de romanos o dientro de les confederaciones de vándalos, alanos y godos.
El clan dominante na estaya más rica y d'accesu a los pasos d'altura, los plentusios, ta arreyáu cola cultura posterior de La Tène, propiamente céltica y proveniente del baxu Rhin. Blenden (=rescamplar, rellumar, cegar, resplandeciente) ye entá un distritu de Xermania na ancestral estaya «belga». Pudiera ser de les primeres tribus escorripiaes por tribus xermanes con anterioridá al 300 e.C. decataríase yá d'esto nel alborecer de los estudios célticos. Estos son, quiciabes, paecíos n'etimoloxía y identidá a los Pelendones celtibéricos ente los ríos Ebro y Duero.
Concanos, coniscos, salaenos y otros pueblos pudieron ser relegaos a estayes menos favoratibles, dientro la comunidá tribal al paecer representar grupos célticos del Hallstatt pre-britónicu o xentilidaes matriarcales paleolíticos afines a los vascos como sorraya Joaquín González Echegaray.
Tribus y clanes Orgenomescos: Pembelorum Vadinenses: Alongos, Aravos, Arcaedunos, Argalicos, Arganaos, Biracideginos, Boddegos, Cabedicos, Caddecos, Corovescos, Doiderigos, Pentiocos y Vernaos. Salaenos Avariginos Concanos Blendios Plentusios Tamaricos Coniscos Morecanos
Referencies
Enllaces esternos Cantabria infinita, Patrimoniu y Historia . Historia de Cantabria . Faza arqueolóxica de la Ulaña .
Categoría:Cantabria Categoría:Historia de Cantabria Categoría:Pueblos prerromanos de la Península Ibérica Categoría:Hispania Romana