Julia Rodríguez-Maribona foi una enfermera asturiana considerada la inventora de la fregona xunto cola so madre Julia Montoussé Frages.
Trayeutoria Rodríguez nació n'Avilés en 1923 frutu del matrimoniu ente Julia Montoussé y l'industrial José Maribona. Na década de los ochenta, emigró a Suiza onde conoció al so segundu home, Albert, y exerció como enfermera. Morrió de leucemia na ciudá suiza de Neuchatel el 16 de marzu de 2005.
Rodríguez y la so madre diseñaron un dispositivu de llimpieza que combinaba cubu, palu y trapu, que darréu foi conocíu como fregona. Por esti inventu, llograron en 1953 el modelu d'utilidá (un tipu de derechu que se concede a una invención y que torga a terceros utilizar comercialmente la invención protexida, ensin la so autorización) nᵘ 34.262, col títulu "Dispositivu acoplable a toa clase de recipientes tal como baldes, cubos, calderos y similares, pa facilitar el fregáu, llaváu y ensugáu de pisos, suelos, pasiellos, zócalos y locales polo xeneral".
El diseñu foi adquiríu pola fábrica d'artículos d'usu domésticu Manufacturas Rodex, del inxenieru Manuel Jalón, al que sí se -y dio la reconocencia del inventu pola patente d'invención nᵘ 298.240 en 1964, once años dempués. Rodríguez y Montoussé siguen ensin ser reconocíes como inventores de la fregona por cuenta de esa diferencia xurídica ente modelu d'utilidá y patente d'invención.
Referencies
Enllaces esternos
Categoría:Inventores d'Asturies Categoría:Persones d'Avilés