Alicia Elsbeth Stallings ye una poeta y traductora d'Estaos Xuníos. Llogró la beca MacArthur en 2011.
Antecedentes Stallings nació y creció en Decatur (Georgia) y cursó estudios clásicos na Universidá de Georgia onde llogró'l so grau de Bachelor of Arts en 1990, y na Universidá d'Oxford onde llogró un Master en lliteratura llatina en 1991 nel Lady Margaret Hall. En 1999 Satllings treslladóse a Atenes. Grecia y vive ellí dende entós. Ye la Direutora del Programa de Poesía del Centru Ateniense. Ta casada con John Psaropoulos, editor del Athens News
Stallings utiliza formes tradicionales pa les sos poesíes, y foi acomuñada al nuevu formalismu.
Contribúi davezu con poemes y ensayos a la revista Poetry. Espublizó trés llibros de poesíes orixinales: Archaic Smile (1999), Hapax (2006), y Olives (2012). En 2007 espublizó una traducción en versu de La naturaleza de les coses, de Lucrecio.
Respuesta de la crítica Nuna revisión crítica del so llibru Archaic Smile, Able Muse, una revista online de poesía formalista señaló que «[teniendo en cuenta] el virtuosismu formal de Stallings, namái dalgunos de los sos poemes son métricamente regulares en términos estrictos. Ello ye que una de les sorpreses prestoses d'Archaic Smile ye'l númberu de poemes maravillos que s'atopen na zona gris ente'l versu blancu y el versu llibre.» El so trabayu foi comparáu cola obra de Richard Wilbur y Edna St. Vincent Millay. Nuna crítica del so segundu llibre, Hapax, Peter Campion escribió que "la métrica y el ritmu espliéguense con elegancia, pero a costa del idioma", una crítica que ye común tratándose de poetes formalistes. Nuna nota más positiva, Campion tamién señala que «los sos meyores poemes na coleición combinen el talentu prosódicu con sentimientos intensamente interpretaos.» Nuna revisión de la so coleición Olives, Publishers Weekly señaló que taben más impresionaos con aquellos poemes que nun yeren una respuesta a mitos de l'antigüedá, señalando que «cuando espliega'l so talentu téunicu en poemes onde desenvuelve una nueva narrativa en llugar de construyir sobre una antigua, Stallings llogra un equilibriu ríxidu y conteníu entá pa los standards del Nuevu Formalismu.»
Premios La so primer coleición de poesíes, Archaic Smile, recibió'l premiu Richard Wilbur en 1999 y foi finalista tantu pal premiu Yale Series of Younger Poets Competition como pal premiu Walt Whitman. La so segunda coleición, Hapax (2006), foi premiada col Poets' Prize. Les sos poesíes foron espublizaes nes antoloxíes Best American series de 1994 y 2000. Foi gallardoniada col premiu Pushcart Prize, el premiu Eunice Tietjens, el Howard Nemerov Sonnet Award en 2004 y el premiu James Dickey.
En 2010 llogró'l premiu Willis Barnstone Translation Prize poles sos traducciones.
En 2011 llogró una beca Guggenheim, una Beca MacArthur y foi nomada miembru de la United States Artists. En 2012, el llibru Olives foi finalista del Premiu del Círculu de Críticos Nacional del Llibru.
Obra
Llibros Archaic Smile. (University of Evansville Press, 1999). ISBN 0-930982-52-5 Hapax. (TriQuarterly, 2006). ISBN 0-8101-5171-5 The Nature of Things. (Penguin, 2007). Traducción en versu de Lucrecio, De Rerum Natura. ISBN 978-0-14-044796-5 The Word Exchange: Anglo-Saxon Poems in Translation. Eds. Greg Delanty y Michael Matto. (W. W. Norton & Company, 2010). ISBN 978-0-393-07901-2 Olives. (TriQuarterly, 2012). ISBN 978-0-81015-226-7
Referencies
Enllaces esternos (Archiváu el 23 d'ochobre de 2009) Sitiu web del Athens Centre 2009 Poetry Workshop Poemes d'A.E. Stallings y biografía en PoetryFoundation.org
Categoría:Escritores d'Estaos Xuníos Categoría:Poetes d'Estaos Xuníos Categoría:Traductores del llatín Categoría:Traductores Categoría:escritores n'inglés