Adela Domingo Carmona foi una pianista y maestra de cante y baille española, conocida popularmente como Adelita Domingo.
Biografía Adela Domingo Carmona nació en Sevilla, nel antiguu Teatro San Fernando d'esta ciudá, onde'l so padre trabayaba como conserxe. Ellí crióse y fíxose artista, anque nunca llegó a actuar nin baillar en públicu, permaneciendo nun segundu planu mientres enseñaba a nuevos talentos. Fixo la carrera de pianu nel Conservatoriu de Sevilla con tan solo diecisiete años. Tenía la so casa y la so academia na Alamea de Hércules y per ella pasaron artistes destacaes de la copla como Rocío Jurado, Isabel Pantoja o Encarnita Polo, o les baillarines Cristina Hoyos, Merche Esmeralda y Milagros Mengíbar, ente otres.
Reconocencies Polos sos méritos como muyer dedicada a la enseñanza de la música, fuéron-y daes en vida diverses distinciones y reconocencies, ente los que destaquen la medaya que recibió nel añu 2007 de la ciudá de Sevilla de manes del so entós alcalde Alfredo Sánchez Monteseirín, y la Medaya d'Andalucía que se-y concedió en 2009. Amás, en 2001 foi gallardoniada col Premiu a la Muyer sevillana 2001.
Referencies
Enllaces esternos
Categoría:Profesores de música d'España Categoría:Músicos y músiques d'Andalucía