Natalia Peiro Pérez, , ye secretaria xeneral de Cáritas Española, y direutora executiva de la Fundación FOESSA (Fomentu d'Estudios Sociales y de Socioloxía Aplicada).
Biografía Llicencióse en Ciencies Polítiques y de l'Alministración na Universidá Complutense de Madrid. Completó la so formación académica con dos másteres: unu en Marketing Dixital y Comerciu electrónicu, na Escuela de Negocios de la Universidá Autónoma de Barcelona (2016-2017); y l'otru en Cooperación Internacional y Xestión de Proyeutos, na Fundación Ortega y Gasset (2001-2002); y un posgráu en Lideralgu ya Innovación social n'Organizaciones Non Gubernamentales, n'ESADE Business & Law School (2008-2009). Tres el so pasu pola empresa Formaselect Consulting (2007-2008) consiguió les conocencies fayadices pa ser esperta en Responsabilidá Social Corporativa y Procesos de Comunicación.
Dende'l 2002, taba venceyada laboralmente a Cáritas Española, en diversos puestos: secretaria de Direición de Cáritas Española (2002-2005), téunicu de Cooperación Internacional pa los países d'Europa Central y del Este (2005-2007), direutora del Área de Cooperación Internacional (2007-2015), direutora del Área de Comunicación, Sensibilización ya Incidencia (2015-2017), y finalmente secretaria xeneral de Cáritas Española (dende 2017).
Tamién desempeñó'l so trabayu fora d'España. Primero como téunicu de la Fundación Centro d'Estudios Comerciales del Ministeriu d'Economía y Facienda y la Cámara Oficial de Comerciu ya Industria de Madrid. Dempués como asistente na Direición Xeneral d'Enerxía y Tresporte de la Comisión Europea, en Bruxeles (2000), y finalmente como esperta de Cáritas Española nos foros de trabayu de la rede internacional de Cáritas (Comité Representativu de Cáritas Internationalis y el Comité Executivu de Cáritas Europa).
Ye la primer muyer qu'apuerta a la secretaría xeneral de Carines Española, en tola historia de la institución.
Ta casada y ye madre de cuatro fíos.
Referencies
Categoría:Persones de la Comunidá de Madrid