Natasha Anne Bedingfield ye una cantautora inglesa de pop que foi nomada a un premiu Grammy.
Allugada en Book St., Londres, Bedingfield debutó en 1990 como miembru d'un grupu cristianu de dance/electrónica, The DNA Algorithm colos sos hermanos Daniel Bedingfield y Nikola Bedingfield. A lo llargo de 1990 y empiezos de 2000, Bedingfield grabó cantares de rock pa la Ilesia Hillsong London (Hillsong London Church), ente que Daniel tenía ésitos como "Gotta Get Thru This" y "If You're Not the One". Bedingfield llanzó'l so primer álbum, Unwritten, en 2004. L'álbum contenía cantares uptempo pop y taba influyíu pola música R&B; tuvo ésitu internacional con más de 2.3 millones de copies vendíes en tol mundu y recibió una nominación a los Premios Grammy pola "Meyor Actuación Femenina de Pop" pol cantar "Unwritten". El segundu álbum de Bedingfield, N.B. en 2007, foi menos esitosu pero llegó al Top 10 colos sos senciellos "I Wanna Have Your Babies" y "Soulmate". N.B nun foi llanzáu n'América del Norte, pero seis cantares d'él incluyéronse con siete nueves cantares y llanzáronse en 2008 como Pocketful of Sunshine, con senciellos como "Love Like This" y "Pocketful of Sunshine", llogrando ésitu nes llistes. N'avientu de 2010, Bedingfield llanzó'l so tercer álbum en Norteamérica llamáu Strip Me.
Biografía Natasha Bedingfield nació en Sussex Occidental, Londres, Inglaterra, de padres neozelandeses, llamaos Molly y John Bedingfield (trabayadores sociales). Tien trés mediohermanos; un hermanu mayor, Daniel, una hermana menor, Nikola, y un hermanu menor, Joshua. Natasha crióse nel sureste del distritu de Lewisham, en Londres, camudándose ellí cuando entá yera bien pequeña. Recibió estudios na so propia casa dende los once hasta los dieciséis años d'edá. Siendo entá adolescente, Natasha y los sos hermanos, Daniel y Nikola, formaron un grupu de rock cristianu, llamaos The DNA Algorithm. El so interés pola música foi inculcado dende siempres polos sos padres, y creció tocando'l pianu y la guitarra.
Natasha estudió mientres un añu na Universidá de Greenwich, onde estudió psicoloxía. Comentando daqué sobre lo qu'ella dixo sobre la so eleición al escoyer esta carrera, Natasha dixo: "Tuvi interesada na psicoloxía porque supi que me fadría meyor compositora". Dempués d'un añu de carrera, Natasha dexó la universidá pa concentrase na so carrera musical, como cantante y compositora. Empezó a grabar demos nos garaxes d'amigos que teníen estudios de grabación, qu'ella unviaría a discográfiques ingleses.
Nel 2004, Bedingfield escribió y grabó cantares pal discu del Hillsong London Church tituláu "Shout God's Fame". Les sos grabaciones apaecieron tamién nel discu de los neños de Hillsong nel discu "Jesus Is My Superhero" (2004).
Natasha Bedingfield ye embaxadora de Global Angels, una ONG Infantil Internacional fundada pola so madre, Molly Bedingfield. En payares de 2006 la India mientres tres selmanes, onde visitó orfanatos y pudo falar con neños. Na so web oficial, pueden vese videos d'esti viaxe. Amás, trabaya pa la ONG Stop The Traffik, una coalición global que combate'l tráficu de persones.
Carrera musical La carrera musical de Natasha Bedingfield empezó en 2004 cola publicación, vía Sony BMG, del so discu "Unwritten", siguiendo nel 2007 col so discu "NB", esfrutando de muncho menos ésitu del esperáu. En 2008 llanza "Pocketful of Sunshine"
En mayu de 2011 Bedingfield apaeció y cantó nun videu de la banda Simple Plan, llamada Jet Lag .
2004-2006: Unwritten miniatura|190px|En 2006. Bedingfield robló un contratu discográficu con Sony BMG UK en 2003. El so álbum debú, "Unwritten", foi publicáu en setiembre de 2004 y llegó al númberu 1 nel Reinu Xuníu, vendiendo más de 8.200.000 de copies en total. A empiezos del 2005, el discu foi premiáu con 3 Discos de Platín. El discu contién música pop/rock ya influencies del R&B.
El primer single debú de Natasha foi la tema "Single", que debutó nel númberu 3 nes llistes de singles nel Reinu Xuníu. El segundu single del discu foi la tema "These Words", que foi númberu 1 nel Reinu Xuníu, amás de países como Israel, China, Xapón, Irlanda o Filipines, ente otros. Al algamar el númberu 1, tanto ella como'l so hermanu Daniel entraron nel Llibru Guinness ("Guinness Book of Records") como los únicos hermanos británicos en tener por separáu singles nes llistes de ventes. Nos Brit Awards del 2005, el cantar foi nomada como "El Meyor Single Británicu". El tercer single foi "Unwritten", tema que debutó nel númberu 6 nel Reinu Xuníu. N'España publicóse'l single "Unwritten" nel 2007, trés años dempués de la publicación oficial, una y bones la marca Pantene utilizar pa la publicidá de la so nueva etapa. El single llegó al númberu 1 nes llistes españoles, al númberu 1 en descargues d'iTunes y al númberu 5 na llista Airplay; amás esti single foi parte de la banda sonora de "Ice princess". El cuartu y últimu single publicáu foi "I Bruise Easily", tema que nun consiguió llegar al Top 10 nel Reinu Xuníu, conformándose col puestu númberu 12.
En xunetu de 2005, "Unwritten" foi publicáu nos Estaos Xuníos y Canadá. Nos Estaos Xuníos, el discu llegó al númberu 26 nel Billboard 200 Album Chart, y na edición norteamericana figuraben temes nueves. El single debú n'Estaos Xuníos foi "These Words", que llegó al númberu 7; y "Unwritten", el segundu single, llegó al númberu 5, siendo premiáu con un Discu de Platín. La cadena MTV utilizó'l single pa la serie The Hills. Natasha foi nomada en 2007 a los Grammy como "Meyor Artista de Pop".
Natasha Bedingfield apaeció nel videoxuegu de James Bond "From Russia, with Love" en payares de 2005. Nel xuegu actuaba nel papel de Elizabeth Stark, la fía del Primer Ministru raptada na secuencia inicial. Natasha espresó apocayá'l so interés na actuación, pero esclarió que lo que realmente taba na so mente yera'l mundu de la música.
En payares de 2006, Natasha publicó'l so primer DVD en direuto, "Live In New York City". El DVD contenía'l so primer conciertu en Nueva York, según videoclips, entevistes, making-offs y documentales.
Nesi mesmu mes, Natasha grabó una tema de Diane Warren tituláu "Still Here", pa la película Rocky Balboa, pero que nunca figuró na banda sonora del filme, anque sí figura nel so nuevu discu NB.
2007-08: N.B. y Pocketful of Sunshine miniatura|derecha|En Toronto en 2007.
El segundu álbum de Bedingfield, N.B., foi llanzáu n'Europa n'abril de 2007. En Norteamérica (los Estaos Xuníos y Canadá), l'álbum foi llanzáu sol títulu Pocketful of Sunshine en xineru de 2008. L'álbum recibió crítiques mistes polos críticos y llegó al númberu nueve en Reinu Xuníu. "I Wanna Have Your Babies", el primer senciellu del álbum, ye sobre atopar l'home indicáu pa ser padre de los sos fíos y foi criticada polos sos fans y la crítica."An Open Letter to Natasha Bedingfield" . Drowned in Sound. Retrieved 22 April 2007. El cantar foi moderadamente esitosa, llegando al númberu siete en Reinu Xuníu, númberu ocho n'Irlanda y nel Top 50 en dellos otros mercaos."I Wanna Have Your Babies" Charts . Music Square. Retrieved 22 April 2007. "Soulmate" foi llanzáu como'l segundu senciellu'l 2 de xunetu de 2007, y tamién llegó al númberu siete en Reinu Xuníu."New Single - Coming Soon". natashabedingfield.com. 9 May 2007. Retrieved 10 May 2007. Pa promocionar N.B, Bedingfield embarcó na xira FutureSex/LoveShow en mayu de 2007, sofitando a Justin Timberlake.
La versión norteamericana del so segundu álbum contién seis canciones de N.B.. L'álbum foi llanzáu'l 22 de xineru de 2008, dempués del senciellu "Love Like This", que foi llanzáu en setiembre de 2007 y se enlistó nel númberu 11 en Billboard Hot 100. El cantar foi llanzada como'l segundu senciellu en febreru de 2008. Llegó al númberu 5 en Billboard Hot 100. El 18 de xineru de 2008, la xira de Bedingfield en Reinu Xuníu foi atayada per segunda vegada, un mez primero que se suponía que debía coemnzar, polo que pudo pasar más tiempu promocionando'l so álbum n'Estaos Xuníos."Natasha scraps tour number 2. The Sun. Retrieved 26 January 2008. N'agostu de 2008, Bedingfield y otros cantantes como Beyoncé, Rihanna, Melissa Etheridge, Carrie Underwood, Miley Cyrus, Leona Lewis y Mariah Carey grabaron el senciellu "Just Stand Up", producíu por Babyface y L. A. Reid, pa sofitar "Stand Up to Cáncer". El 5 de setiembre, los cantantes presentaron el cantar en direuto en televisión.
2009: Strip Me y Strip Me Away miniatura|derecha|Natasha en 2009.
Bedingfield dixo nel so blogue qu'empezaría a trabayar nel so nuevu álbum a empiezos de 2009. Recibió vía llibre pa escribir el so nuevu álbum mientres taba de vacaciones en Nueva Zelanda; dixo, "Toi equí mientres unes selmanes pa escribir un pocu. Ye un llugar bien inspirador pa escribir música. Encántame venir equí tan de cutiu cuando puedo, polo xeneral una vegada al añu p'alimentar idees pal mio próximu álbum."
Tamién confirmó que taba trabayando con Brian Kennedy, que produció/co-escribió'l senciellu de Rihanna, "Disturbia" y taba escribiendo cantares con él mientres les xires con un llanzamientu vistu pa llanzase a finales de 2009. Bedingfield tamién dixo que Wyclef Jean, Sam Sparro y Mike Elizondo taríen trabayando nel discu.
Bedingfield confirmó que l'álbum taría llistu pa seronda de 2010. Nuna entrevista en IN:DEMAND, Ryan Tedder dixo, "Voi Trátase de traer a Natasha Bedingfield de vuelta a Reinu Xuníu con coses estravagantes y estrañes." El 18 de marzu, Natasha dixo na so páxina oficial que taba en Los Angeles y taba terminando los últimos retoques del so álbum.
"Touch", el primer senciellu del álbum, tuvo disponible como descarga dixital el 18 de mayu de 2010. Bedingfield presentó'l cantar en The Ellen Dexeneres Show el 24 de mayu de 2010.Natasha Bedingfield performs Touch "Touch" foi unviáu oficialmente a les radios d'Estaos Xuníos el 29 de xunu de 2010. El 15 de xunetu, Bedingfield anunció por Twitter que'l títulu del so nuevu álbum sería Strip Me. L'álbum diba ser llanzáu'l 9 de payares pero terminó siendo llanzáu'l 7 d'avientu. El segundu senciellu, tamién tituláu "Strip Me" foi unviáu a les radios d'Estaos Xuníos el 30 d'agostu de 2010 y tuvo disponible como descarga dixital el 21 de setiembre de 2010.Strip Me on Amazon Foi escrita por Bedingfield, Ryan Tedder, y Wayne Wilkins.http://repertoire.bmi.com/title.asp?blnWriter=True&blnPublisher=True&blnArtist=True&keyID=11575211&ShowNbr=0&ShowSeqNbr=0&querytype=WorkID Bedingfield apaeció nel álbum de la rapera Nicki Minaj, Pink Friday, en "Last Chance" y nel álbum de Rascal Flatts, Nothing Like This en "Easy". El 31 d'avientu de 2010 y 1 de xineru de 2011, Natasha apaeció en Dick Clark's New Year's Rockin' Eve..
En 2010, Bedingfield xunió fuercies con Avon como xuez pa Avon Voices, una busca de talentos pa muyeres y competición de composición pa homes y muyeres.
El 6 d'abril, Natasha visitó Radio Hamburg y confirmó que'l cantar "Pocketful of Sunshine" (orixinalmente'l segundu senciellu del so álbum d'Estaos Xuníos Pocketful of Sunshine) sería'l primer senciellu européu de Strip Me. La versión europea de Strip Me va ser llamada Strip Me Away. El senciellu "Pocketful of Sunshine" va ser llanzáu'l 13 de mayu n'Alemaña. L'álbum Strip Me Away va ser llanzáu en xunu.
Más tarde en 2010 grabó Last Chance de Nicki Minaj.
En payares de 2011 foi escoyida pa protagonizar la campaña navidiega de Coca-Cola "Shake Up Christmas", grabando'l cantar en seis idiomes (español, francés, suaḥili, filipín, ucraín ya inglés).
2012–Presente: ''The Next Chapter'' y otres collaboraciones miniatura|derecha|Bedingfield at the 2012 Tribeca Film Festival premiere of The Russian Winter.