Nely Edith Miranda Herrera ye una política y nadadora mexicana especialista nos 50 m estilu llibre, 100 m estilu llibre y 200 m estilu llibre. Nel ámbitu políticu, desempeñóse como diputada suplente pol distritu 12 de Veracruz hasta retirase en 2012.
Foi parte del conxuntu femenín de deportistes mexicanes qu'asistió a los Xuegos Paralímpicos de Pequín 2008 onde ganó dos medayes d'oru nos 50 m estilu llibre —onde impunxo un nuevu récord mundial con 46s27— y 100 m estilu llibre, dambes na categoría S4, ente que nos 200 m estilu llibre quedó séptima; El so entrenador foi Fernando Vélez. Adicionalmente, representó al so país en dellos campeonatos nacionales ya internacionales onde ganó delles presees.
A nivel continental, participó nos Xuegos Parapanamericanos de 2007 en Rio de Janeiro, onde recibió la medaya de plata nos 200 m estilu llibre; cuatro años dempués, y nos Xuegos Parapanamericanos de 2011 en Guadalajara, onde algamó trés medayes de bronce nos 50 m estilu llibre, 100 m estilu llibre y 200 m estilu llibre, toes dientro de la categoría S5.
El 20 de xunu de 2010, superó'l récord americanu de los 50 m estilu llibre femenín categoría S4 con un tiempu de 45s74 en Berlín. El 18 d'agostu superó la marca americana nos 100 m estilu llibre femenín de la mesma categoría con un cronometraxe de 1min41s74 en Eindhoven. Per otru llau, mientres los Xuegos Parapanamericanos de 2011, superó'l récor panamericanu de los 200 m estilu llibre femenín con un tiempu de 3min41s60.
L'añu 2008 recibió'l Premiu nacional de Deporte xunto a María del Rosario Espinoza, Guillermo Pérez Sandoval, Amalia Pérez Vázquez y José Luis Onofre; per otru llau, l'añu 2009 recibió'l Premiu estatal del deporte de Veracruz.
Nos Xuegos Parapanamericanos Toronto 2015 consiguió la Medaya d'Oru y el récord mundial de 39.92 segundos na prueba de 50 metros llibres S4.
Un añu dempués rompió récord mundial nos 50 metros llibres S4 pero namái llogró'l bronce los Xuegos Paralímpicos de Rio 2016.
Referencies
Enllaces esternos
Categoría:Nadadores de Méxicu Categoría:Políticos y polítiques de Méxicu Categoría:Deportistes paralímpicos de Méxicu Categoría:Deportistes nos Xuegos Paralímpicos de Pequín 2008 Categoría:Medayistes paralímpicos d'oru de Méxicu Categoría:Premiu Nacional del Deporte (Méxicu) Categoría:Persones de Puebla