Nicolette Larson foi una cantante d'Estaos Xuníos de música pop, conocida especialmente pol hit de 1978 "Lotta Love", escritu por Neil Young.
Biografía Larson nació en Helena, Montana, el 17 de xunetu de 1952. En graduándose na Universidá de Missouri colar a San Francisco (California), onde trabayó por un tiempu nuna tienda de discos. El so debú foi como actu d'apertura nun show del cantautor Eric Andersen en Vancouver, en 1975.
El so álbum debú Nicolette salió a la venta en setiembre de 1978, pol cual foi escoyida "vocalista femenina del añu" pola revista Rolling Stone. Nesti trabayu incluyóse la cantar "Lotta Love", compuesta por Neil Young, gran hit que mientres fines de 1978 y 1979 dio-y fama internacional. L'álbum llegó al puestu Nᵘ15 de Billboard, ente que el hit single "Lotta Love" algamó'l Nᵘ1 en febreru de 1979 nel Billboard Hot 100.
La carrera de Nicolette Larson siguiría, anque yá con menor ésitu, al traviés d'álbumes como In the Nick of Time (1979), Radioland (1980), o All Dressed Up & No Place To Go (1982). Más allá del socesu de "Lotta Love", que nunca pudo igualar otra vegada, Larson siguiría llanzando discos mientres el restu de los años 80, y esporádicamente na primer metá de los 90, con Sleep, Baby, Sleep, de 1994, que foi'l so últimu trabayu discográficu antes de la so prematura muerte.
Nicolette Larson finó a los 45 años d'edá, el 16 d'avientu de 1997 en Los Angeles por entueyos debíos a un edema cerebral, too esto arriendes de una afección al fégadu.
Discografía Álbumes d'estudiu 1978 - Nicolette 1979 - In the Nick of Time 1980 - Radioland 1982 - All Dressed Up & No Place To Go 1985 - ...Say When 1986 - Rose of My Heart 1987 - Shadows of Love 1994 - Sleep, Baby, Sleep
Referencies
Enllaces esternos
Categoría:Cantantes d'Estaos Xuníos