Nina Toussaint-White ye una actriz inglesa, más conocida por interpretar a Syd Chambers en EastEnders.
Carrera Creció en Plumstead, al Sureste de Londres, y entrenóse na Italia Conti Academy of Theatre Arts en Clapham. Fixo'l so debú profesional nun episodiu de 2007 de la serie Casualty, siguíu por una apaición en The Bill un añu más tarde.
En 2009, Toussaint-White recibió la ufierta d'interpretar a la enfermera Syd Chambers, el nuevu interés románticu de Bradley Branning en EastEnders, faciendo la so primer apaición en febreru de 2009. Interpretó'l papel hasta la so marcha n'ochobre del mesmu añu. Tamién apaeció en Primeval y actuó en delles producciones teatrales, incluyendo A Midsummer Night's Dream.
Nes selmanes posteriores al so debú en EastEnders, revelóse qu'almitiera consumir drogues y ser violenta na rede social MySpace. Un voceru de l'actriz dixo entós que «yera inmadura ya inocente cuando creó'l so perfil y que maureció enforma desque usó per últimu vegada'l sitiu web, y na actualidá taba enfocada a faer de la so carrera un ésitu».
Tres la so marcha de EastEnders en 2009, Toussaint-White apaeció nel episodiu de Doctor Who Matemos a Hitler emitíu'l 27 d'agostu de 2011, interpretando a una encarnación anterior de River Song. En febreru de 2012 apaeció como Mattie Grace en Holby City. En marzu, anuncióse qu'apaecería xunto a la so ex compañera de EastEnders Lacey Turner na serie sobrenatural Switch.
Filmografía +Cine y televisión AñuTítuluPapel Notes2007CasualtyBunmiEpisode: "Core Values"2008The BillJanice PoolEpisode: "Overkill"2009PrimevalMelanieEpisode: "3.3"2009EastEndersSyd ChambersRecurring role (41 episodes)2011The Missing Day2011Doctor WhoMelsEpisodiu: Matemos a Hitler2011Comedy ShowcaseCosmetólogaEpisodiu: "The Fun Police"2012WhitechapelTish PetersenEpisodiu: "3.1"2012Holby CityMatti GraceEpisodiu: "Fight the Good Fight"2012Scott & BaileyChantelle DeenEpisodiu: "2.7"2012SwitchJude ThomasProtagonista (6 episodios)
Referencies
Categoría:Actores y actrices de televisión d'Inglaterra