Una figura ye perpendicular a otra cuando al cortala, determina en toles sos seiciones (nel planu que la caltién) un ángulu reutu. Esto dase en:
Reutes: cuando dos reutes se corten (tando nel mesmu planu), orixinen non uno, sinón cuatro ángulos reutos. Al puntu d'interseición de dos reutes perpendiculares, denómase-y pie de cada una d'elles na otra. Na imaxe, la reuta AB ye perpendicular a la reuta CD y escríbese .
Semirreutes: dos semirreutes col mesmu puntu d'orixe, formen un ángulu de 90º, o seya, reutu (y otru de 270º).
Planos: asemeyao a les reutes. Son perpendiculares cuando orixinen cuatro ángulos diedros de 90º caún; ver diedru.
Semiplanos: dos semiplanos compartiendo la mesma reuta d'orixe dellimiten un ángulu diedru de 90° (y otru de 270º).
Propiedaes Simétrica: Si una figura xeométrica ye perpendicular a otra, ésta ye perpendicular a la primera. Si dos reutes al cortase formen ángulos axacentes congruentes, son perpendiculares. Por analoxía, si dos planos al cortase formen ángulos diedros axacentes congruentes, son perpendiculares. Los llaos d'un ángulu reutu y les sos semirreutes opuestes, determinen dos reutes perpendiculares. Esto pue treslladase a semiplanos (los llaos d'un ángulu diedru y los sos semiplanos opuestos, determinen dos planos perpendiculares).
Postuláu d'unicidá Nún planu, per un puntu perteneciente o esterior a una reuta, pasa una y namái una reuta perpendicular. Construccion d'una perpendicular que pase per un puntu P right|thumb|250px|Construccion d'una perpendicular (azul) a la llinia AB, que pase pel puntu P. Pa construyir una perpendicular a la llinia AB que crucie pel puntu P (usando regla y compás), fadremos lo que vien darréu: (roxo): con centru en P, dibuxamos un arcu de círculu de radiu arbitrariu que corte a la llinia AB nos puntos A' y B' . (verde): con centru nos puntos A' y B', y radiu PA'=PB' dibuxamos dos arcos de círculu, que llóxicamente pasarán per P, pero que tamién cortaránse en Q. (azul): Xunir los puntos P y Q. La llinia resultante ye perpendicular a AB.
Ver tamién Mediatriz
Referencies
Enllaces esternos
Categoría:Xeometría