Noelí Pocaterra Uliana ye una activista polos derechos de los pueblos indíxena y dirixente política venezolana. Anguaño ye Constituyentista a l'Asamblea Nacional Constituyente de Venezuela de 2017. Foi diputada de l'Asamblea Nacional de Venezuela por dos periodos. Pertenez a la etnia wayuu.
Biografía Nacida nel Sector Peña, ente Paraguáipoa y Sinamaica, foi llevada a los trés díes de nacida a Mokomatira, güei conocida como “La Gloria”, ellí vivió hasta los 10 años d'edá.
Empecipió'l so trabayu polos derechos de los Pueblos Indíxenes en 1952. Foi oradora d'orde na ONX, en representación de los pueblos indíxenes del mundu en 1993.
En 1994, n'ocasión del discutiniu de la Reforma Constitucional, dirixó-y una carta al entós senador del estinguíu Congresu Nacional de Venezuela, Dr. Rafael Caldera, por que se incluyera los derechos de los Pueblos Indíxenes.
Antes de 1999 y mientres 25 años desempeñóse como Xefa del Departamentu Sociu-Antropolóxicu na Direición de Cultura de la Universidá del Zulia. Electa a l'Asamblea Nacional de Venezuela poles Comunidaes Indíxenes en 1999, impulsa la creación de la Comisión Permanente de Pueblos Indíxenes y la so Rellación col Estáu de la cual foi escoyida como la so Presidenta. Impulsó los derechos de los Pueblos y Comunidaes Indíxenes afiguraos nel capítulu VIII de la Constitución Nacional, lo mesmo que de otros artículos incluyíos transversalmente, siendo primer vegada na hestoria d'esti país qu'esto se produz dende 1811.
Electa como parllamentaria indíxena a l'Asamblea Nacional pola Rexón occidente (Zulia- Mérida- Trujillo) por dos periodos consecutivos. Propunxo y aprobáu ocho lleis qu'impacten direutamente a los Pueblos y Comunidaes indíxenes, siendo les más notables la Llei Orgánica de Pueblos y Comunidaes indíxenes y Llei de Demarcación y Garantíes del Hábitat y Tierres de los Pueblos Indíxenes, según participó nos alderiques por que se incluyeren en lleis de la República, artículos que beneficiaren a los pueblos y comunidaes indíxenes. Na Asamblea Nacional foi Presidenta de la Comisión Permanente de Pueblos Indíxenes, y tuvo na Direutiva de l'Asamblea Nacional como Segunda Vicepresidenta por trés años consecutivos.
Recibió un Doctoráu Honoris Causa dau pola Universidá Rafael María Baralt y nomada al Premiu Nobel de la Paz en 2005.
Dende 2012 ocupa'l cargu de secretaria de pueblos y comunidaes indíxenes de la gobernación del estáu Zulia.
Referencies
Enllaces esternos
Categoría:Políticos y polítiques de Venezuela Categoría:Indíxenes de Venezuela Categoría:Diputaos y diputaes de Venezuela