Secundina Virginia Moyano Ponce foi una supercentenaria arxentina, conocida por ser hasta'l momentu de la so muerte la muyer más llonxeva de la República Arxentina.
Biografía Virginia nació'l 24 de mayu de 1904, fía de José Moyano y Casimira Ponce. Foi bautizada'l 9 de xunetu de 1904. Vivió hasta los 100 años en Córdoba, cuando se camudó cola so sobrina, María Olga Gallu Moyano, a La Rioxa. Mientres los últimos cuatro años, Virginia vivía nel asilu San José cola so sobrina. Virginia dixo que'l secretu pa vivir por tanto tiempu ye "recordando formoses alcordances que te faen rir". Tamién recordó qu'asistió a la escuela hasta'l sestu grau y el nome del so noviu na mocedá, Andrés Bergontini, que yera un home chilenu de Santiago, que la dexó pa casase con otra muyer con más dineru, polo que nunca se casó y nun tuvo fíos, pero tuvo un gran númberu de sobrinos y sobrines.
A finales d'abril de 2016, Olga Gallu, la so sobrina, finó. Arriendes d'ello, Virginia pasó a vivir colos sos sobrinos nietos y sobrinos-bisnietos.
La so edá ye reconocida pol Grupu d'Investigación de Xerontoloxía (Gerontology Research Group) de los Estaos Xuníos.Virginia Moyano
Morrió'l 20 de xunu de 2017, a los 113 años, nun asilu de La Rioxa, en sufriendo un paru cardiaco.
Referencies
Enllaces esternos
Categoría:Persones de Córdoba (Arxentina) Categoría:Supercentenarios d'Arxentina