María Manuela Pignatelli de Aragón y Gonzaga, Duquesa de Villahermosa , foi una noble española, considerada una de les Heroínes de los sitios de Zaragoza, mientres la Guerra de la Independencia de 1808.
Biografía Pignatelli foi la cuarta fía de Joaquín Atanasio Pignatelli de Aragón Moncayo (1724-1776), Conde de Fuentes, y María Lluisa Gonzaga Caracciolo (1726-1773), Duquesa de Solferino. Casóse'l 1 de xunu de 1769 con Xuan Pablo Aragón-Azlor Zapata de Calatayud (1730-1791), Duque de Villahermosa, a la edá de 16 años.
En 1808, al españar la Guerra de la Independencia, tres la masacre del llevantamientu del 2 de Mayu en Madrid y el llevantamientu de Aragón, y tando yá viuda, Pignatelli dexó la so residencia nel Palaciu de Villahermosa de Madrid (actual sede del Muséu Thyssen-Bornemisza) y treslladóse a Zaragoza colos sos dos fíos vivos, Xosé Antoniu y Xuan Pablo, llugar onde'l so sobrín José de Palafox lideraba la resistencia contra los exércitos franceses.
Contribuyó económicamente al desenvolvimientu de la guerra y de los sitios de Zaragoza pal sostenimientu de los voluntarios de les compañíes de Sas y de Cerezo, motivu pol cual los sos restos mortales reposen na cripta de la capiya de Santa Xusta y Rufina na Catedral del Salvador de Zaragoza. Nel segundu sitiu de Zaragoza, Pignatelli perdió al so fíu menor, Xuan Pablo, por causa de una epidemia qu'afaró la ciudá.
Nel distritu de Salamanca de Madrid, hai una glorieta dedicada a la so memoria.
Referencies
Enllaces esternos
Categoría:Nobles d'España