María Massip foi una actriz española.
Biografía Cursa estudios nel conservatoriu d'Arte Dramático y na Escuela Oficial de Cine, Con tan solo 17 años debuta en teatru. Darréu intervendría, ente otros, nos siguientes montaxes teatrales: La zrezal y la palmera (1962), de Gerardo Diego; La camisa de Lauro Olmo; Arlequín, servidor de dos amos de Carlo Goldoni; o Los empeños de una casa de Sor Juana Inés de la Cruz y la que sería la so última obra ¿Gústa-y Shubert? (1998), con Emma Penella y Carmen Bernardos.
Desenvolvió igualmente una prolífica carrera interpretativa en televisión dende principios de los años sesenta. A lo llargo de 30 años foi unu de les cares más habituales na pequeña pantalla española, actuando con avezamientu pa TVE n'espacios como Primer fila, Hora once, Novela y Estudiu 1 y nes series Fernández, puntu y coma (1963-1964), d'Adolfo Marsillach, Teresa de Jesús (1984), de Josefina Molina o Hestories del otru llau (1991), de José Luis Garci.
Tamién con Garci tuvo la oportunidá d'intervenir en trés importantes títulos cinematográficos, dientro de les sos escases incusiones na gran pantalla: Cantar de cuna (1994), La herida luminosa (1997) y El abuelo (1998).
Sicasí, una de les facetes más destacaes de la so carrera foi la d'actriz de doblaxe. Punxo voz a Sofia Loren, Lauren Bacall o Rita Hayworth. Pero sobre manera foi la voz en castellán d'Ingrid Bergman na mítica Casablanca.
Tuvo casada col productor y guionista Juan Miguel Lamet, col que tuvo dos fíos.
Trayeutoria en televisión
Referencies
Na muerte de María Massip, El País, 11 de xunetu de 2002 Fina l'actriz María Massip, la voz de Ingrid Bergman. La Vanguardia, 12 de xunetu de 2002
Enllaces esternos
Categoría:Actores y actrices de Castiella-La Mancha Categoría:Actores y actrices de voz d'España Categoría:Actores y actrices de televisión d'España Categoría:Actores y actrices de teatru d'España Categoría:Persones finaes por enfermedaes neuromotoras Categoría:Persones d'Albacete