María Menéndez-Ponte Cruzat ye una escritora gallega en llingua castellana.
Empezó la carrera de Derechu na Universidá de Santiago de Compostela. Ellí, xunto con un grupu d'estudiantes, fundó un cine-club, foi delegada de cursu y publicó numberosos artículos en diversos periódicos gallegos. Antes de terminar la carrera, casóse, tuvo'l so primer fíu y camudóse cola so familia a Nueva York, onde vivió mientres cinco años y onde se llicenció na Universidá Nacional d'Educación a Distancia. Dempués foise a vivir a Madrid, onde se llicenció amás en Filoloxía Hispánica.
Na década de los noventa empezó'l so llabor d'escritora, tantu de novela como de cuentos y rellatu curtiu, fundamentalmente empobinaos a la lliteratura infantil y xuvenil. Munchos de los sos llibros son grandes ésitos de ventes, como Nunca voi ser el to héroe, pol que llogró'l Llibru d'Oru nel 2006 al superar los 100.001 exemplares vendíos. Títulu qu'anguaño cunta con más de cuarenta ediciones en distintes coleiciones. En 2015 apaeció la segunda parte, Héroe al mio pesar y nel 2017 la tercera, Héroe en deportives.
Tamién trabayó na producción de numberosos llibros de testu, proyeutos musicales, guiones y numberosos artículos pa la revista Padres y Maestros y el periódicu Escuela.
Obra Estos son dalgunos de los sos títulos principales.
Referencies
Enllaces esternos
Categoría:Escritores en castellanu Categoría:Dramaturgos y dramaturgues de Galicia Categoría:Escritores de Galicia Categoría:Dramaturgos y dramaturgues d'España Categoría:Profesores d'España Categoría:Persones d'A Coruña