María Paulina Aguirre Suárez ye una abogada y maxistrada ecuatoriana, actual presidenta de la Corte Nacional de Xusticia d'Ecuador. Asumió'l cargu en xineru de 2018, convirtiéndose na primer muyer n'ocupar el cargu dende la creación de la Corte Nacional, en 1830.
Biografía Realizó los sos estudios cimeros na Universidá Nacional de Loja, onde llogró'l títulu d'abogada y llicenciada en ciencies sociales, polítiques y económiques. Darréu especializóse en derechu alministrativu na Universidá Andina Simón Bolívar y llogró una maestría en derechu procesal na Universidá Téunica Indoamérica.
Empecipió la so carrera xudicial como secretaria relatora de la Corte Cimera de Quitu. Otros cargos que desempeñó inclúin: xueza de inquilinato de Quito, xueza de trabayu de Pichincha, presidenta de la primer sala de lo llaboral, niñez y adolescencia de la Corte Cimera de Quito, ente otros.
En 2012 foi nomada maxistrada de la Corte Nacional de Xusticia d'Ecuador en ganando un concursu de méritos y reconocencies. En 2015 pasó a ser presidenta subrogante de la Corte.
El 26 de xineru de 2018 foi escoyida por unanimidá y posesionada como Presidenta de la Corte Nacional de Xusticia d'Ecuador.
Referencies
Enllaces esternos
Categoría:Persones de Loja Categoría:Abogaos y abogaes d'Ecuador Categoría:Xueces d'Ecuador