Kalpona Akter ye la direutora executiva del Bangladesh Center for Worker Solidarity (BCWS)-Centru de Bangladex pa la Solidaridá de los Trabayadores, premiu Alison Des Forges de Human Rights Watch pol so activismu polos derechos humanos.
Biografía Kalpona empezó a trabayar por problemes familiares na industria de la confección cuando tenía 12 años y trabayando unes 400 hores al mes, ganaba 6 dólares. Cuando yera una adolescente de 15 años, intentó reivindicar los sos derechos llaborales. Foi despidida, a la cárcel y puesta na llista negra por intentar formar un sindicatu na so fábrica. A los 16 años, consiguió ser la representante sindical de la empresa na que taba trabayando.
Kalpona ye una defensora de los derechos llaborales reconocida internacionalmente y participó nes Naciones Xuníes y les xuntes informatives pa miembros del Congresu de los EEXX ente otres, pa denunciar les condiciones deplorables a les que s'enfrenten los trabayadores de la confección de Bangladex a diariu.
Foi entrevistada estensamente per medios internacionales, como The Guardian, Democracy Now y BBC, particularmente tres de la quema de Tazreen Fashions y el colapsu del edificiu Rana Plaza.
Bangladesh Center for Worker Solidarity (BCWS)-Centru de Bangladex pa la Solidaridá de los Trabayadores (BCWS) ye consideráu pol movimientu internacional de los derechos llaborales y poles compañíes multinacionales de indumentaria como una de les organizaciones llaborales de base más efectives nel país. Levi Strauss & Co. Lha dichu de BCWS "una organización de derechos llaborales respetada a nivel mundial, que xugó un papel vital a la de documentar y trabayar pa remediar les violaciones llaborales na industria testil en Bangladex".
En 2013 gracies a un inversor tomó la pallabra mientres unos minutos na xunta d'accionistes de Walmart ante 14.000 inversores reivindicando fábriques más segures y meyores condiciones llaborales pa los trabayadores. Como sindicalista, parte del so llabor consiste en documentat y rellatar nel mundu lo que ta asocediendo en Bangladex.
Premios y reconocencies 2016 – Premiu Alison Des Forges de Human Rights Watch pol so activismu polos derechos humanos.
Referencies
Enllaces esternos Kalpona Akter: Preguntái nes tiendes poles condiciones nes que se fabricó la ropa, Setem Hego Haizea 23 d'abril de 2018. moda-rapida-matu/ La moda rápida matu, en Pikara Magacín, 24 de mayu de 2018. (Voice of Witness, mayu de 2014).
Categoría:Activistes de Bangladex Categoría:Activistes polos derechos humanos