Cheryl Studer ye una sopranu d'Estaos Xuníos de destacada actuación na década 1985-1995, de inusual versatilidá en repertoriu italianu, francés y alemán, sobresalió como sopranu llíricu-dramática.
Foi la sopranu más promocionada y grabada d'esi periodu, con una vasta discografía. Destacó como Elisabeth en Tannhäuser y Elsa en Lohengrin, de Wagner, y como Salome y La muyer ensin solombra, de Richard Strauss.
Trayeutoria De moza estudió pianu y viola. A los dolce años, dempués d'escuchar l'álbum "La Callas à Paris", decidió que quería ser cantante d'ópera y empezó lleiciones de cantar na so ciudá natal. Estudió nel Conservatoriu de Oberlin, cerca de Cleveland. Al treslladase la so familia a Tennessee, siguió los sos estudios na Universidá de Tennessee en Knoxville.
Llamó l'atención de Leonard Bernstein, quien-y ufiertó una beca mientres tres verano nel Centru de Música Berkshire en Tanglewood (1975 a 1977), onde estudió con Phyllis Curtin. Debutó nel Festival de Tanglewood en 1976 cola Pasión según San Mateo de Bach cola Orquesta Sinfónica de Boston so la direición de Seiji Ozawa, quien la convidó a una serie de conciertos cola BSO nel Symphony Hall mientres la temporada 1978-1979.
Nel branu de 1979, coló al Institutu Schubert en Baden bei Wien, Austria, onde siguió un cursu pa estudiantes estranxeros del arte del Lied alemán.
Ente los sos maestros esi branu tuvieron Irmgard Seefried, Brigitte Fassbaender y Hans Hotter. El gran barítonu convenció a Cheryl Studer por que permaneciera n'Europa el restu del añu y estudiara con él na Hochschule für Musik und darstellende Kunst en Viena.
Dempués d'un añu en Viena, y a pidimientu de Hans Hotter, Cheryl Studer fixo una prueba pa Wolfgang Sawallisch quien la contrató como miembru permanente de la Ópera Estatal de Baviera, onde tuvo mientres dos temporaes consecutives.
A la fin de la temporada 1981-82, dexó Múnich y xunióse al Teatru estatal de Darmstadt mientres dos temporaes, antes de dir a Berlín pa entrar a formar parte de la Deutsche Oper Berlin mientres les temporaes 1984-85 y 1985-86.
El so primer gran papel foi Violetta en La Traviata como artista convidada del Teatru Estatal de Braunschweig na primavera de 1983. Debutó nos Estaos Xuníos col rol de Micaela (Carmen) en 1984 cola Ópera Llírica de Chicago.
Cantó nos principales teatros d'ópera del mundu: Gran Teatre del Liceu, Barcelona (debutó en 1986 como Freia, Das Rheingold), Ópera de París (debutó esi mesmu añu como Pamina), Ópera de San Francisco (debutó en 1986 como Eva), Royal Opera House, Covent Garden (debutó en 1987 como Elisabeth), La Scala (debutó en 1987 como Donna Anna), Ópera Estatal de Viena (debutó en 1989 como Chrysothemis). Esi mesmu añu cantó nel Festival de Salzburgu el mesmu papel.
Nel Metropolitan Opera debutó en 1988 como Micaela de Carmen, tornó en 1990 como Donna Anna para Don Giovanni con Thomas Hampson y Elettra d'Idomeneo con Anthony Rolfe-Johnson. Amás de La Traviata en 1991 tornó pa les sos últimes actuaciones como la Mariscala en El caballeru de la rosa de Richard Strauss depués de nueve años na temporada 2000.
Nel repertoriu wagneriano, actuó nel Festival de Bayreuth ente 1985 y 1990, interpretando a Elisabeth en Tannhäuser so la direición de Giuseppe Sinopoli, papel qu'alternó col de Elsa en Lohengrin na producción de Werner Herzog dirixida por Peter Schneider, interpretaciones dambes recoyíes en DVD y nes que collechó gran ésitu. Tornó en 1998 y 1999 como Senta nel L'holandés errante, tamién so la batuta de Schneider y en 2000 sustituyó nuna función a Waltraud Meier como Sieglinde en L'Aniellu del Nibelungo, de nuevu so la batuta de Sinopoli.
Debíu al esfuerciu riquíu ante tantu compromisos y una versatilidá estilística de tal magnitú, la so voz empezó a dar signos de fatiga vocal temprana.Der Fall einer Operndiva - Nachrichten DIE WELT - WELT ONLINE La so carrera internacional entró en abrupta declinación a partir del añu 2000.Karriereende: Tönende Stille - Kultur - Tagesspiegel En 1999 la Ópera Estatal de Baviera rescindió'l so contratu pa cantar Der Freischütz argumentando que la so voz nun yera la que fuera y la sopranu demandó a la casa d'óperaArts: The diva's not for spurning - Arts & Entertainment - The Independent
Ente 2001-2005 asumió'l rol de Sieglinde en Tokiu y Beijin, cantando tamién Arabella en Zurich.
Nos últimos años práuticamente retirada de la escena internacional, apaez en conciertos y clases maxistrales esporádicamente. Desempeñóse como profesora en Würzburg onde debutó como direutora d'escena nuna producción d'Ariadne auf Naxos.
Repertoriu El so repertoriu cubrió'l d'una sopranu d'enorme versatilidá: dende los papeles mozartianos de Reina de la Nueche, Donna Anna, Elettra y Condesa Almaviva, hasta los wagnerianos de Sieglinde, Senta, Gutrune, Eva, Elisabeth o Elsa, dende la Mathilde de Rossini a la Lucia de Donizetti, dende les verdianas Odabella y Violetta a la Marguerite de Gounod y les grandes heroínes de Richard Strauss como Salome, Crysotemis, la Emperatriz de La muyer ensin solombra, Arabella, Ariadne y la Mariscala de Der Rosenkavalier.
Llegó a tomar un repertoriu de más de 70 roles, anque dalgunos d'estos personaxes namái fueron grabaos n'estudiu.
Amás, cultivó'l lied al traviés de recitales apaeciendo igualmente como solista en conciertu con diverses orquestes.
Discografía selecta Wagner
L'Aniellu del Nibelungo (Ortlinde) / Janowski, Staatskapelle Dresden, 1980 Les Faes (Drolla) / Sawallisch, Ópera Estatal de Baviera, 1983 Rienzi (Irene) / Sawallisch, Ópera Estatal de Baviera, 1983 L'Aniellu del Nibelungo (Gutrune) / Levine, Metropolitan de Nueva York, 1988 L'Aniellu del Nibelungo (Sieglinde) / Haitink, Ópera Sinfónica de la Radio de Baviera, 1988 Tannhäuser (Elisabeth) / Sinopoli, Philharmonia Orchestra, 1988 Tannhäuser (Elisabeth) / Sinopoli, Festival de Bayreuth, 1989 (DVD) Lohengrin (Elsa) / Schneider, Festival de Bayreuth, 1990 (DVD) L'holandés errante (Senta) / Sinopoli, Deustche Oper de Berlín, 1991 Lohengrin (Elsa) / Abbado, Staatsoper de Viena, 1991 (DVD) Los Maestros Cantores de Nuremberg (Eva) / Sawallisch, Ópera Estatal de Baviera, 1993 Wesendonck Lieder y Liebestod de Tristán y Isolda / Sinopoli, Staatskapelle Dresden, 1994
Richard Strauss
La muyer ensin solombra (Emperatriz) / Sawallisch, Orquesta Sinfónica de la Radio de Baviera, 1988 Elektra (Chrysotemis) / Abbado, Staatsoper de Viena, 1989 (DVD) Elektra (Chrysotemis) / Sawallisch, Orquesta Sinfónica de la Radio de Baviera, 1990 Salomé (Salomé) / Sinopoli, Deustche Oper de Berlín, 1990 La muyer ensin solombra (Emperatriz) / Solti, Staatsoper de Viena, 1992 (DVD)
Verdi
Los víspores sicilianos (Duque Elena) / Muti, Scala de Milán, 1989 Attila (Odabella) / Muti, Scala de Milán, 1991 (DVD) La Traviata (Violetta) / Levine, Metropolitan de Nueva York, 1991 Otello (Desdémona) / Chung, Ópera de París, 1993 Rigoletto (Gilda) / Levine, Metropolitan de Nueva York, 1993 Aida (Aida) / Downes, Covent Garden de Londres, 1994 (DVD)
Mozart
La flauta máxica (Pamina) / Marriner, Saint Martin-in-the-Fields, 1989 Don Giovanni (Donna Anna) / Muti, Filarmónica de Viena, 1990 El raptu del serrallo (Constanze) / Weil, Sinfónica de Viena, 1991 Les bodes de fígaro (Condesa de Almaviva) / Abbado, Filarmónica de Viena, 1994
Rossini y Donizetti
Guillermo Tell (Matilde) / Muti, Scala de Milán, 1988 Lucia di Lammermoor (Miss Lucia) / Marin, Sinfónica de Londres, 1990 Semiramide (Semiramide) / Marin, Sinfónica de Londres, 1992 Il viaggio a Reims (Madama Cortese) / Abbado, Filarmónica de Berlín, 1992
Repertoriu francés
Los cuentos de Hoffmann] (Giuletta) / Tate, Staatskapelle Dresden, 1989 Fausto (Margarita) / Plasson, Toulouse, 1991 Herodiade (Salomé) / Plasson, Toulouse, 1994
Repertoriu americanu
Susannah (Susannah) / Nagano, Lyon, 1994 Samuel Barber, Complete Songs, con Thomas Hampson / Browning, Emerson String Quartet, 1994
Otros
La vilba allegre, dirixida por John Eliot Gardiner (Hanna Glawari). Requiem Alemán dirixíu por Claudio Abbado, 1992. Ludwig Spohr: Jessonda / Albrecht, Orquesta de la Radio de Berlín, 1984 Franz Schubert: Fierrabrás (Florinda) / Abbado, Orquesta de Cámara d'Europa, 1988
Referencies
Enllaces esternos Cheryl Studer Home Page Biografía Cheryl Studer en YouTube Bio n'inglés
Categoría:Ganadores del premiu Grammy Categoría:Cantantes de Michigan Categoría:Sopranos d'Estaos Xuníos