Chicaba o Chikaba , tamién conocida como Sor Teresa Xuliana de Santu Domingu, foi una esclava y relixosa orixinaria de la Mariña del Oru considerada la primer escritora afrohispánica negra. En 1752, pocu dempués de la so muerte, el rector Juan Carlos Miguel de Paniagua escribió una haxografía de la relixosa titulada Compendiu de la Vida Exemplar de la Venerable Madre Sor Teresa Xuliana de Santu Domingu, principal fonte pa conocer la so vida.
Biografía Chicaba nació escontra 1676; d'alcuerdu a Paniagua orixinalmente foi una princesa africana de «La Baxa Mina del Oru». En siendo esclavizada a la edá de 9 años, foi treslladada a España vía Santu Tomé —onde foi bautizada col nome cristianu de Teresa— y foi adquirida por Xuliana Teresa Portocarrero, Marquesa de Mancera. Permaneció como esclava hasta 1703 (27 años), cuando, tres la muerte de la marquesa, entró como monxa terciaria nel conventu dominicu de la Penitencia de Salamanca. Namái se caltién un poema, vía Paniagua, de índole mística, escritu por Chicaba.
Finó'l 6 d'avientu de 1748.
Notes
Referencies
Bibliografía
Bibliografía adicional
Enllaces esternos
Categoría:Terciarios dominicos Categoría:Esclavos y esclaves Categoría:Poetes d'España