Álvaro Fernando Noboa Pontón ye un políticu y empresariu ecuatorianu.
Noboa, consideráu como l'home más ricu d'Ecuador, fuera candidatu a la presidencia de la República d'Ecuador en 1998, 2002 y 2006. En 1997, depués d'una batalla llegal contra los sos hermanos, asumió'l control del Grupo Noboa. Les engarradielles internes hubieren entamao cola muerte del so padre, el magnate bananeru Luis Noboa Naranjo, en 1993https://web.archive.org/web/20080511231650/http://www.forbes.com/billionaires/free_forbes/2003/0317/108.html.
Amás d'ello, ye fundador de la “Cruzada Nueva Humanidad”, Fundación de Aición Mancomunada del Pueblo, que con fondos propios y de les empreses de so desendolca dende va 26 años llabor social n'educación, salú, emplegu, aida social, etc..
Noboa destácase tamién pola so oposición a les campañes en favor de los derechos de los trabayadores de les sos compañíes, con despidos illegales por formar parte de sindicatos. Nun incidente asocedíu nel añu 2002, trabayadores en fuelga nuna empresa filial del grupu de Noboa foron atacaos con armes de fueu, según un reporte de Human Rights Watchhttp://hrw.org/english/docs/2002/05/22/ecuado3997.htmhttp://www.commondreams.org/headlines02/0616-04.htm. El Grupo Noboa tamién foi criticáu por Human Rights Watch con una investigación sobre práutiques d'explotación infantil na industria bananerahttp://hrw.org/english/docs/2002/04/25/ecuado3876.htm.
Noboa ye'l cabezaleru del Partido Renovador Institucional de Aición Nacional (PRIAN), un partíu de corte populista qu'él fundó tres de separtase del tamién populista Partido Roldosista Ecuatoriano (PRE). Foi candidatu presidencial pol PRE en 1998 y pol PRIAN nos años 2002 y 2006, perdiendo les eleiciones na segunda vuelta en cada vegada, en 1998 énte Jamil Mahuad, en 2002 énte Lucio Gutiérrez y en 2006 énte Rafael Correa.
Referencies
Enllaces esternos Partíu PRIAN Videu Ataque sobre fuelguistes na plantación de Los Alamos Alvaro Noboa, telepredicador y magnate en Clarín.com
Categoría:Políticos y polítiques d'Ecuador Categoría:Empresarios y empresaries d'Ecuador Categoría:Persones de Guayaquil