Clara Eugenia Aguilera García ye una política española del Partíu Socialista Obreru Español. Anguaño ye Diputada nel Parllamentu Européu, onde ostenta la responsabilidá de ser Vicepresidenta de la comisión d'agricultura y desenvolvimientu rural
Biografía Nacida nuna pequeña pedanía del conceyu granadín de Illora, treslladóse a vivir a la ciudá de Granada por motivos d'estudios. Foi ellí, en 1983, onde empezó a militar nel PSOE d'Andalucía, del que ye miembru de la Comisión Executiva na actualidá. Ente 1990 y 1995 tuvo al mandu de la Federación Andaluza d'Empreses Cooperatives Agraries (FAECA) de Granada. En 1996 ocupó'l so primer cargu institucional como conceyal nel Conceyu de Granada de la mano del alcalde Jesús Quero. Ente abril de 2009 y mayu de 2012 desempeñó'l cargu de Conseyera d'Agricultura y Pesca de la Xunta d'Andalucía, na qu'enantes foi titular de la Secretaría Xeneral de Rellaciones col Parllamentu y, d'abril de 2008 a abril de 2009, de la Conseyería de Gobernación. Diputada del Parllamentu d'Andalucía dende 2000, ocupó la presidencia de la Comisión d'Economía, Innovación, Ciencia y Emplegu en 2012.Ficha de Clara Aguilera na páxina web del Parllamentu d'Andalucía Dende xunetu de 2014, ye Diputada nel Parllamentu Européu, onde desempeña'l cargu de Vicepresidenta de la Comisión d'Agricultura y Desarrollu Rural, y ye miembru de la Comisión de Pesca y de la Delegación pa les rellaciones con Mercosur.
Cargos desempeñaos Conceyal del Conceyu de Granada (1996). Diputada per Granada nel Parllamentu d'Andalucía (Dende 2000). Conseyera de Gobernación de la Xunta d'Andalucía (2008-2009). Conseyera d'Agricultura y Pesca de la Xunta d'Andalucía (2009-2012). Diputada nel Parllamentu Européu (2014- actualidá).
Referencies
Enllaces esternos Ficha de Clara Aguilera García nel Parllamentu Européu
Categoría:Políticos y polítiques de la provincia de Granada Categoría:Políticos y polítiques del Partíu Socialista Obreru Español Categoría:Diputaos y diputaes del Parllamentu d'Andalucía Categoría:Conseyeros de Xusticia de la Xunta d'Andalucía Categoría:Eurodiputaos y eurodiputaes d'España Categoría:Eurodiputaos y eurodiputaes del Partíu Socialista Obreru Español