Clara Hughes ye una ciclista y patinadora de velocidá sobre xelu canadiana. Ganó cuatro medayes olímpiques en patinaxe y dos en ciclismu.
A pesar de la so historia deportiva, na so mocedá nunca pensó en ser atleta, de fechu yera fumadora, consumía alcohol. El deporte camudó la so vida y ye por ello la so dedicación n'ayudar a moces, por qu'al traviés del deporte puedan superase.
Pertenez al selectu grupu de persones que ganaron medayes tantu nos xuegos d'iviernu como nos de branu. Casóse con Peter Guzman.
Foi portadora de la bandera de Canadá na ceremonia d'apertura nos Xuegos Olímpicos de Vancouver 2010. Considerada la meyor atleta olímpica canadiana de tolos tiempos ganó seis medayes olímpiques: 2 son de bronce, nos Xuegos Olímpicos de branu en 1996 y 4 medayes (una d'oru, una de plata y dos de bronce), en tres Xuegos Olímpicos, consecutivos, d'iviernu.
Gallardones 1995, Medaya de Plata Contrarreló élite femenina nel Campeonatu Mundial de Ruta. 1995, Primer puestu Liberty Classic. 1995, Medaya de Plata nel Campeonatu Panamericanu de Ciclismu en Ruta en prueba de fondu. 1995, Medaya de Plata Ciclismu Contrareloj femenín. 1996, Medaya de Bronce olímpico en Ciclismu en ruta Ruta femenín. 1996, Medaya de Bronce olímpico en Ciclismu en ruta Contrarreló femenín. 2002, Medaya de Bronce olímpico en Patinaxe de velocidá 5000 m femenín. 2006, Medaya d'Oru olímpico en Patinaxe de velocidá 5000 m femenín. 2006, Medaya de Plata olímpico en Patinaxe de velocidá Persecución por eqs. femenín, xunto a Kristina Groves, Cindy Klassen, Christine Nesbitt y Shannon Rempel. 2010, Medaya de Bronce olímpico en Patinaxe de velocidá 5000 m femenín. 2011, Primer puestu Tour de Gila femenín. 2011, Medaya d'Oru nel Campeonatu Panamericanu de Ciclismu en Ruta en prueba de fondu. 2011, Medaya d'Oru nel Campeonatu Panamericanu de Ciclismu en Ruta en contrarreló.
Recibíu la Orde de Manitoba y ye Oficial de la Orde de Canadá. Ella ta venceyada con Cindy Klassen como les más gallardoniaes de forma olímpica de tolos tiempos de Canadá, con seis medayes caúna. Na actualidá forma parte de la Xunta Directiva de la organización humanitaria Right To Play.
Referencies
Enllaces esternos
Ficha de Clara Hughes (cqranking.com)
Categoría:Ciclistes de Canadá Categoría:Medayistes olímpicos de ciclismu Categoría:Medayistes olímpicos de Canadá Categoría:Medayistes olímpicos de bronce Categoría:Deportistes nos Xuegos Olímpicos d'Atlanta 1996 Categoría:Deportistes nos Xuegos Olímpicos de Sydney 2000 Categoría:Deportistes nos Xuegos Olímpicos de Londres 2012 Categoría:Medayistes olímpicos de Salt Lake City 2002 Categoría:Medayistes olímpicos de Turín 2006 Categoría:Medayistes olímpicos de Vancouver 2010 Categoría:Abanderaos olímpicos de Canadá Categoría:Abanderaos nos Xuegos Olímpicos de Vancouver 2010 Categoría:Patinadores de velocidá sobre xelu de Canadá Categoría:Persones de Winnipeg