Clara Reeve foi una novelista inglesa del sieglu XVIII, conocida principalmente pola so novela gótica The Old English Baron (), publicada en 1777.
Biografía Reeve nació en Ipswich, Inglaterra, unu de los ocho fíos del reverendu Willian Reeve, Master of Arts, Rector de Freston y de Kreson en Suffolk, y vicariu perpetuu de la ilesia de St. Nicholas. L'apellíu de soltera de la so madre yera Smithies, fía d'un Smithies que foi orfebre y xoyeru del rei Xurde I. Nuna carta a unu de los sos amigos, Reeve afirmó lo siguiente alrodiu del so padre y de los sos primeros años:
Dempués de la muerte del so padre, Clara vivió cola so madre y hermanes en Colchester. Foi ellí onde empezó a escribir, y publicó una traducción d'una obra en llatín del satirista escocés John Barclay (1582-1621), sol títulu de The Phoenix, or The History of Polyarchus and Argenis (1772).Scott (1870) p. 545 Darréu escribió delles noveles, de les cualos solo una ye recordada: The Champion of Virtue, conocida más tarde como The Old English Baron [El vieyu barón inglés, 1778], escrita a imitación de, o andando a la tema con, El castiellu de Otranto, de Horace Walpole, xunto cola que de cutiu s'editó.
La primer edición yá col títulu de The Old English Baron foi dedicada a la fía de Samuel Richardson, quien se diz qu'ayudara a Reeve a revisar y correxir la novela.Scott (1870) p. 546 miniaturadeimagen|Ilustración de The Old English Baron na so edición de 1778.
Reeve declara nel prólogu de 1778:
La hestoria narra les aventures de Sir Philip Harclay, que torna a la Inglaterra medieval p'afayar que'l castiellu y les tierres del so amigu Lord Lovel fueron usurpaos. Una serie de revelaciones, horrores y traiciones algamen el clímax nuna escena de combate singular en que'l Bien batalla col Mal pola restitución de la xusticia.
H. P. Lovecraft comentó sobre la obra: «Abondo veraz, esta novela escarez sicasí de l'auténtica vibración de la cuerda del misteriu sobrenatural qu'estrema a los rellatos de mistress Barbauld, y anque menos toscu que la novela de Walpole y más artísticamente ellaboráu al remanar l'elementu horrorífico al traviés d'una sola figura espectral, esti cuentu nun dexa de ser difinitivamente insípido pola so grandiosidá. Una vegada más volvemos tener al virtuosu herederu del castiellu amarutáu de llabrador y restauráu nos sos llexítimos derechos pol espectru del so padre; y nuevamente topamos ante'l casu d'una gran popularidá que conduz a repitíes ediciones [...] y la so traducción al idioma francés».Lovecraft, H. P.: L'horror sobrenatural na lliteratura, dientro de Necronomicon II. Barral, 1976. ISBN 84-211-7376-6, pp. 173-4
Na edición de Oxford World's Classics señálase que la obra foi de gran influencia nel desenvolvimientu de la ficción gótica. Podría influyir nel Frankenstein de Mary Shelley.Según Alex Kurtagic, en Foi dramatizada en 1799 col títulu de Edmond, Orphan of the Castle [Edmond, el güérfanu del castiellu]. La novela foi publicada n'español pola Universidá de Málaga en 2006, col títulu de El barón inglés o El campeón de la virtú: Novela gótica.
Reeve tamién escribió la novela epistolar The School for Widows [Escuela pa vilbes] (1791). Escribió coles mesmes una innovadora hestoria de la ficción en prosa, titulada The Progress of Romance [El progresu de la novela] (1785), obra que polo xeneral se considera precursora de la historia moderna del xéneru y, específicamente, como una defensa de la tradición histórica de la lliteratura femenina, yá anunciada por Elizabeth Rowe (1674-1737) y Susannah Dobson († 1795). Una de les hestories que recueye esti trabayu, "The History of Charoba, Queen of Egypt" ["La hestoria de Charoba, reina d'Exiptu"], foi la inspiración pa la primera gran obra, el poema tituláu Gebir, del poeta y escritor inglés de la escuela lakista Walter Savage Landor.
Clara Reeve llevó una vida retirada, dexando bien pocu material biográfico. Morrió en Ipswich y foi soterrada, conforme a la so voluntá, nel campusantu de St. Stephens, xunto al so amigu'l reverendu Derby.Scott (1870) p. 546
Ver tamién Novela gótica
Bibliografía
The Phoenix, or The History of Polyarchus and Argenis, de John Barclay (traducción del llatín, 1772) The Champion of Virtue (apaecía anónimamente en 1777) The Old English Baron (1778, retitulado de The Champion of Virtue) The Two Mentors (1783) The Progress of Romance Through Times, Countries, and Manners (1785) The Exiles (1788) The School for Widows (1791) The Memoirs of Sir Roger de Clarendon (1793) Destination or Memoirs of a Private Family (1799)
Referencies
Enllaces esternos
Works by Clara Reeve at Project Gutenberg (plain text and HTML) Works by or about Clara Reeve at Internet Archive (scanned books orixinal editions color illustrated)
Categoría:Escritores d'Inglaterra Categoría:Escritores d'horror Categoría:Novelistes d'Inglaterra Categoría:Ensayistes del Reinu Xuníu