Clementina Díez de Baldeón García ye una política española del Partíu Socialista Obreru Español. Foi diputada nel Congresu 4 llexislatures (1996-2011) onde foi Presidenta de la Comisión de Cultura y nel PSOE, foi Secretaria de la Muyer y d'Educación y Sanidá (1996-2000).
Biografía Llicenciada en Historia del arte pola Universidá de Castiella-La Mancha, onde foi años más palantre foi profesora titular y darréu foi nomada Vicerrectora de la Universidá de Castiella-La Mancha mientres 8 años ente 1988 y 1996.
Carrera política Afiliada al Partíu Socialista Obreru Español, nel mesmu añu (1996) entró nes llistes al Congresu de los Diputaos pola Provincia de Ciudá Real, y tres les Eleiciones xenerales d'España de 1996 celebraes el día 3 de marzu, coniguió el so escañu nel congresu y empezó a ser diputada de la VI, VII, VIII y la IX Llexislatura d'España, mientres los gobiernos d'Aznar y Zapatero. Hasta que causó baxa como diputada'l día 27 de setiembre de 2011.
Nel congresu, foi Vocera de la Comisión parllamentaria d'Educación y Cultura y Presidenta de la Comisión de Cultura del Congresu de los Diputaos.
Tamién foi Secretaria de la Muyer y d'Educación y Sanidá de la Comisión Executiva Federal del PSOE.
Anguaño ye miembru del Comité Federal del PSOE.
Vida familiar Clementina Díez, ta casada col políticu José María Barreda Fontes, ex-presidente de la Xunta de Comunidaes de Castiella-La Mancha, col que tuvo una fía y un fíu (Clementina y Jaime Barreda Diez de Baldeón).
Ver tamién José María Barreda PSOE
Referencies
Enllaces esternos Ficha de Clementina Díez nel Congresu de los Diputaos
Categoría:Políticos y polítiques del Partíu Socialista Obreru Español Categoría:Políticos y polítiques de Castiella-La Mancha Categoría:Diputaos y diputaes d'España Categoría:Persones de Ciudá Real