Concepción Saiz Otero foi una maestra, pedagoga, feminista y escritora española. La so aportación al difícil y dilatáu procesu d'integración de la muyer española na sociedá en condiciones d'igualdá col home, puede quedar descritu nestes pallabres escrites por ella en 1929:
Biografía Nacida nel ecuador del sieglu XIX, Concepción Saiz (a la que más tarde les sos alumnes llamaríen "Pura") foi fía d'Andrea d'Otero y Pérez, gallega, y Raimundo Saiz Reoyo, burgalés y carabineru d'oficiu. Esta ocupación paterna fizo que la familia viaxara mientres la infancia de "Pura", en virtú de los destinos que se-y dieron en Ciudad Rodrigo, Viveiro, Logroño y Burgos. Nesta última ciudá, la so hermana mayor y maestra d'oficiu, llogró una plaza na escuela de la llocalidá de Pancorbo. En 1870, "Pura" y la so familia viaxaron a Madrid, onde la moza siguió l'exemplu de la so hermana ingresando na Escuela Normal Central de Maestres en 1876, Empecipióse como profesora normalista en 1884, actividá que desenvolvió hasta la so xubilación en 1921.
En 1882 participó nel Congresu Nacional Pedagóxicu, y con mayor protagonismu tuvo na Mesa del Congresu Hispanu-portugués-americanu, celebráu en Madrid, del 13 al 27 d'ochobre de 1892; Mesa na que tamién tuvieron Manuel Ruiz de Quevedo (presidente de l'Asociación pa la Enseñanza de la Muyer), Emilia Pardo Bazán, Rafael Torres Campos, Concepción Aleixandre, Asunción Vela y Juan Facundo Riañu, nun pudiendo allegar, por topase enferma Concepción Arenal.
La so actividá nel campu de la pedagoxía quedó reflexada en numberoses collaboraciones en revistes, diarios y selmanarios como La Tribuna (1882) y El nuesu Tiempu (1902-1906), amás d'en les publicaciones profesionales Maxisteriu Español (ente 1883 y 1897), La Escuela Moderna (1893-1900) y la Revista de Medicina Social Española (1916-1918).Una curtia selección d'artículos puede resultar orientadora del so trabayu. En La Escuela Moderna publicó "La muyer nel Congresu Pedagóxicu" (1883), "La escuela y la familia" (1898) y "El feminismu n'España" (1902); n'El Maxisteriu Español "La cobardura" (2 d'abril de 1898) y "La personalidá del maestru" (7 d'abril de 1898); n'Añales de la Xunta pa l'ampliación d'estudios "La enseñanza de la llingua materna" (1910); y en Raza Española "Prisma del otru llau del Atlánticu" (1921). "Comisión auxiliar d'Escueles Normales. Votu particular al Dictame. Ponencia", publicáu en Madrid pola Imprenta de los Sucesores de Hernando (1908), foi un oportunu memorándum de Concepción Saiz en conociendo les intenciones del Gobiernu español no referente a restablecer los estudios de grau Normal, que fueren suprimíos a raigañu del Real Decretu de 17 d'agostu de 1901.
En 1908 foi pensionada pol Estáu Español al traviés de la Xunta p'Ampliación d'Estudios ya Investigaciones Científiques pa representar a España na Esposición francu-británica y el Congresu Internacional d'Educación Moral, axuntaos en Londres, dientro de la Seición de Pedagoxía xunto a otros cuatro maestres y a cuatro maestros, y nun claru ambiente rexeneracionista y Institucionista.Teresa Marín Eced: La renovación pedagóxica n'España (1907-1936): los pensionados en pedagoxía (páxina 281) Consultáu n'avientu de 2014 Collaboró con Carmen de Burgos nel Álbum artísticu lliterariu y participó n'instituciones como la Unión Ibero Americana, l'Asociación Matritense de Caridá o'l Patronatu de Ciegos.web Biografíes Consultáu n'avientu de 2014 Finalmente, de la Escuela Normal Central de Maestres de Madrid pasó en 1909 a la Escuela d'Estudios Cimeros de Maxisteriu de Madrid, onde se xubiló en cumpliendo los setenta años d'edá. Ocasión na que les sos compañeres y alumnes solicitaron pa ella la Cruz d'Alfonso XII. Siguió sicasí activa, publicando llibros y artículos en revistes profesionales de la educación y afitó la so residencia en Pancorbo (Burgos), anque caltuvo rellación con delles de les sos antigües alumnes y collaborando de manera esporádica na Revista d'Escueles Normales.
Morrió al entamu de la primavera de 1934 y foi soterrada nel campusantu de Pancorbo, onde una llábana costeada poles sos alumnes dexó memoria del so homenaxe, amás d'una placa conmemorativa na escuela de Madrid qu'en 1934 llevaba'l so nome.<ref>Valentín Aranda, Secretariu de la Comisión encargada del homenaxe a Concepción Saiz. Revista d'Escueles Normales, ochobre de 1934, páx. 201 (citáu por Carmen Colmenar, nel prólogu a la edición de 2006 de La revolución del 68 y la cultura femenina...)</ref>
La so trayeutoria vital quedó como rellatu autobiográficu nel llibru La revolución del 68 y la cultura femenina. Un episodiu nacional que nun escribió Pérez Galdós (Apuntes del natural), que foi reeditáu en 2006 por cuenta de la celebración del Centenariu de la Xunta p'Ampliación d'Estudios (1907-2007).
Pedagoxía y feminismu
L'actitú profesional y el compromisu social colos que "Pura" Saiz diseñó la so vida quedaron valoraos nel so momentu poles xeneraciones de maestres que formó y afaló —quiciabes de la mesma que los posibles méritos d'un escritor queden grabaos nes páxines de les sos obres completes—,Manuel Bartolomé Cossio, El Maestru, la escuela y el material d'enseñanza. Ediciones de La Llectura, (Madrid, 1910), editáu per primer vegada pol Muséu Pedagóxicu Nacional en 1906. y que na documentación recoyida dexaron escamplaes y abondosos exemplos positivos, a pesar de les especiales condiciones en que la so xera tuvo que desenvolvese.Carmen Colmenar Orzaes: "La voz de les maestres na sociedá de la Restauración: Concepción Sáiz Otero", na Revista d'Altes Capacidaes de la Universidá Complutense de Madrid. Consultáu n'avientu de 2014 Unu de los mayores tracamundios colos que la educadora enfrentóse foi la insistencia con que los "detractores de la educación de les muyeres" tachaben a les maestres de feministes nel sentíu peyorativu del términu (bien estendíu na so dómina).
Obra Cartes... ¿pedagóxiques? Ensayu de Psicoloxía pedagóxica. (Madrid; Sucesores de Rivadeneyra, 1895). Escrita en collaboración con Urbano González Serrano y prologada por Adolfo Posada. ¿Cómo utilizar los millones de superávit?. Madrid; Imprenta Sucursal de Hernando, 1905).Estudiu presentáu a un concursu del diariu El Imparcial en marzu de 1905, convocáu so la tema: "Les enfermedaes sociales, como les orgániques, cúrense gradualmente". Teoría y práutica de la educación y la enseñanza. Cursu completu y enciclopédicu de Pedagoxía, espuestu conforme a un métodu rigorosamente didácticu. Madrid; Sucesores de Hernando, 1908. Dos meses poles escueles de Londres. Madrid; Sucesores de Hernando, 1911.Añales de la Xunta p'ampliación d'estudios ya investigaciones científiques. Madrid, 1911. Llectures escolares. Notes históriques y páxines selectes de lliteratura castellana (sieglos XII al XIX), 4 vols.; Madrid; Llibrería Xeneral de Victoriano Suárez, 1913-1928. Urbano González Serrano (bocetu biográficu). Madrid; Llibrería Xeneral de Victoriano Suárez, 1914. La Revolución del 68 y la cultura femenina. Un episodiu nacional que nun escribió Pérez Galdós. (Apuntes del natural); dos ediciones, dambes en Madrid; la de la Llibrería Xeneral de Victoriano Suárez, 1929; y la de Sucesores de M. Minuesa. El métodu de la escuela anovada de Milán. Madrid; Ministeriu d'Instrucción Pública, 1930. Les nueves escueles italianes''. Madrid; Ministeriu d'Instrucción Pública, 1930.
Ver tamién Institución Llibre d'Enseñanza
Notes
Bibliografía
Referencies
Enllaces esternos Carolina García Borrazás. Artículu sobre Concepción Sáiz (en llingua gallega)
Categoría:Ateneístes Categoría:Feministes de Galicia Categoría:Profesores de la Institución Llibre d'Enseñanza Categoría:Pedagogos y pedagogues d'España Categoría:Sufraxistes d'España Categoría:Persones de Santiago de Compostela