La Consorte Duan foi una concubina del emperador Jiajing de la Dinastía Ming. Yera la concubina favorita del soberanu, pero viose implicada nun intentu de regicidio y executada.Zhang (1739)
Biografía Cao yera fía d'un oficial de Wuxi (na moderna provincia de Jiangsu). Desconozse cuando foi introducida nel palaciu Ming, pero de primeres yera llamada Señora Cao.History Office (1620s), volume 181
En 1536, la Señora Cao dio a lluz a la primer fía del emperador, Shouying (chinu: 壽媖). El mesmu añu, foi alzada al rangu de Concubina Imperial Duan (en chinu: 端嬪) y el so padre convertíu en miembru del Jinyiwei, con autoridá sobre 1,000 cases. Al cumplise'l primer mes de la nacencia de la so fía, l'emperador entamó una llacuada pa celebralo. En 1539, la yá Consorte Duan dio a lluz a la tercer fía del emperador, Luzheng.History Office (1620s), volume 191
Revuelta de les muyeres de palaciu En 1542, l'emperador atopaba una nueche na habitación de la Consorte Duan. Un grupu de muyeres de palaciu aprució, suxetáronlu, amestaron una cuerda alredor del so pescuezu ya intentaron esgañalo. Pero una d'elles,llamada Zhang Jinlian, púnxose nerviosa y sollertó a la Emperatriz Fang. Los eunucos de palaciu alicaron al emperador y arrestaron a les mujer de palaciu.
Dempués del ataque, l'emperador Jiajing yera incapaz de falar, asina que la emperatriz Fang ordenó que'l grupu de muyeres de palaciu fuera executáu. Como l'ataque tuviera llugar nos aposentos de la Consorte Duan, la emperatriz determinó qu'ella formaba parte de la combalechadura y sentenciar tamién a la muerte per mil cortes. El so cuerpu tullíu foi públicamente amosáu, al llau de los de la Concubina Imperial Ning y les muyeres de palaciu. 10 familiares de les moces fueron tamién degollaos, ente qu'otros 20 yeren esclavizados y apurríos como esclavos a los ministros.History Office (1620s), volume 267 Más tarde determinóse que la Consorte Duan nun había estáu implicada, pero nun-y foi concedíu un títulu póstumu.
Sotierro Un terrén cercanu a Shuofang, nel área de Wuxi, pertenecía al padre de la Consorte Duan. Ellí foi construyíu un mausoléu al estilu d'un monumentu imperial, pero ensin nenguna inscripción. Los paisanos informen que'l túmulu presenta un arcu de cedru (en pinyin: nán), que'l so nome suena similar a la pallabra del dialeutu llocal pa 'fía' (en chinu: 囡 ; en pinyin: nān), créese popularmente que'l túmulu foi llevantáu por Cao en memoria de la so fía.
Referencies
Bibliografía History Office, ed. (1620). [ Veritable Records of Shizong of Ming] (en chinu). Ctext. , ed. (1739). "" [History of Ming, Volume 114, Biography 2, Empresses and Concubines 2]. (en chinu). Lishi Chunqiu.
Categoría:Persones de China Categoría:Dinastía Ming
Categoría:Wikipedia:Mantenimientu:Persones ensin plantía nym