Constanza Renata d'Habsburgu o Constanza d'Austria foi archiduquesa d'Austria y reina de Polonia, como esposa del rei Segismundo III Vasa. Pol heriedu del so home, considerábase tamién reina de Suecia, pero nunca foi reconocida como tal nesi país, de que'l so tronu fuera derrocáu Segismundo.
Yera la quinta fía de los archiduques Carlos II d'Estiria y María Ana de Baviera. Los sos güelos paternos yeren l'emperador Fernandu I d'Habsburgu y Ana de Bohemia, fía de la mesma de Vladislao II, rei de Bohemia y Hungría. Los sos güelos maternos yeren el duque Albertu V de Baviera y Ana d'Habsburgu-Jagellón.
Biografía Hermana d'Ana, a la muerte d'esta en 1598, el so maríu'l rei Segismundo Vasa decidió casase en segundes nupcias con Constanza. La ceremonia oficial celebróse'l 11 de setiembre de 1605. 200px|thumb|Blasón de Constanza d'Austria.
Constanza foi una ambiciosa política. Darréu dempués de la boda, fixo esfuercios pa influyir na política. Construyó una fuerte facción de siguidores, cola organización de matrimonios ente les sos doncelles y nobles poderosos. Representó los intereses de la familia de los Habsburgu en Polonia, ya influyó nel nomamientu de cargos na corte, el gobiernu y la ilesia. La so confidente más cercana foi Urszula Meyerin.
Constanza falaba español, llatín ya italianu. Aprendió polacu dempués de la boda, pero nun-y gustaba utilizar lo. Yera bien relixosa y diba a misa dos vegaes al día. Tamién foi una mecenes de clérigos, pintores y arquiteutos. Financió los edificios de dellos palacios pa los sos fíos, pero tamién foi descrita como una persona económica.
En 1623 Constanza mercó Żywiec de Mikołaj Komorowski, que taba prohibíu pola llei a los miembros de la familia real y provocó tracamundios col Parllamentu.Bunt chłopów. Bunt, prześladowania i próby wyzwolenia się chłopów na Zywiecczyźnie w XVII wieku. A la temporada (en 1626) prohibió a los xudíos instalase na ciudá (de non tolerandis Judaeis).Miasto Żywiec
Constanza quixo asegurar la socesión del so propiu fíu nel tronu, más que'l fíu del anterior matrimoniu del so home, pero nun tuvo ésitu. Morrió d'un derrame cerebral.
Descendencia El matrimoniu tuvo siete fíos: Xuan Casimiro Vasa (1607-1608). Xuan II Casimiro Vasa (1609-1672). Rei de Polonia-Lituania col nome de Xuan II Casimiro V. Xuan Albertu Vasa (1612-1634). Obispu de Cracovia. Carlos Fernandu Vasa (1613-1655). Duque de Opole. Alejandro Carlos Vasa (1614-1655). Ana Constanza Vasa (1616). Ana Catalina Constanza Vasa (1619-1651).
Ancestros
Referencies
Bibliografía
Enllaces esternos
Categoría:Grandes Duqueses de Lituania Categoría:Reis y reines consortes de Polonia Categoría:Archiduqueses d'Austria Categoría:Casa de Vasa Categoría:Nobles d'Austria Categoría:Persones d'Estiria