Cora Vaucaire (nacida Geneviève Collin, ) foi una cantante francesa, moteyada « La Dama Blanca de Saint-Germain-des-Prés », esposa de Michel Vaucaire (1904-1980).
Biografía y repertoriu Trabayó dende los años 30 en temes tradicionales y evolucionó escontra un cantar más poéticu como manifiesta les sos interpretaciones nel escenariu de poemes de Jacques Prévert (ye la creadora de Feuilles mortes -"Les fueyes de seronda"-, tema que popularizó Yves Montand). Convirtióse progresivamente nuna de les meyores intérpretes de la "cantar francés". De repertoriu variáu y numberosu qu'inclúi cantares ambientaes nel Medievu, (La Complainte du Roy Renaud o Le roi a fait battre tambour), creó tamién La Complainte de la butte -"El llamentu de la llomba"- pa la película French Cancan (1955) de Jean Renoir; interpretó Trois Petites Notes de musique na película Une aussi longue absence -"Una llarga ausencia"- de Henri Colpi sobre un escenariu de Gérard Jarlot y Marguerite Dures (Palma d'Oru nel Festival de Cannes 1961). Esta película contribuyó a que saliera d'un periodu particularmente escuru.
Gustába-y cantar vodevil Fragson (Je ne peux pas -"Nun puedo"-), Yvette Guilbert (Quand on vous aime comme ça -"Cuando una ama asina"-), al empar que Le Temps des cerises (-"El tiempu de les cereces"-), y hasta cantó La Internacional en tiempos de fuelgues.
Moró en Xapón nos años 1980. No 90 remaneció y la so carrera resurdió con grandes interpretaciones musicales, por casu les del Théâtre Déjazet (Théâtre Libertaire de Paris) en 1992, les del Théâtre de La Comédie des Champs Élysée en 1997 o les del Théâtre des Bouffes du Nord en 1999.
Fixo tamién memorables interpretaciones de famosos cantares d'otros como: Le Pont Mirabeau (poema de Guillaume Apollinaire, lletra de Léo Ferré), Maintenant que la jeunesse (poema de Louis Aragon, música de Lino Léonardi) o L'Écharpe -"La bufanda"- (lletra y música de Maurice Fanon).
Foi soterrada'l 22 de setiembre de 2011 nel campusantu de Père-Lachaise.
Discografía 1975: Cora Vaucaire au Théâtre de la Ville, Production Jacques Canetti. 1997: Cora Vaucaire 97 (o Cora Vaucaire en public, según la edición), grabáu na Comédie des Champs-Élysées. 1999: Cora Vaucaire aux Bouffes du Nord, interpretación grabada en payares de 1999 nel Théâtre des Bouffes du Nord de Paris (2 discos) — rexistru bien fiel al estilu de los "concierto-noche" de Cora Vaucaire. 1999: Cora Vaucaire, 2 discos, reedición de catálogu Pathé par EMI Music (4 CD). 2005: Cora Vaucaire, la dame blanche de Saint-Germain-des-près, discu EPM.
Emisión radiofónica Le Bon Plaisir de Cora Vaucaire, emisión realizada en 1997, dacuando espublizada por France Culture.
Referencies
Bibliografía Cora Vaucaire por Gilles Costaz, coleición « Chansons d'aujourd'hui », Ediciones Seghers, París, 1973. Cora Vaucaire, une symphonie inachevée por Françoise Piazza, Lettres du Monde, 1979. Cora Vaucaire, l'intemporelle, entrevista con Martin Pénet, Ediciones Fallois, París, 2006.
Categoría:Cantantes de Francia Categoría:Persones de Marsella