thumb|Dibuxo de la Escuela Salernitana Costanza Calienda, tamién conocida como Constanza Calienda o Constance Calienda, (fl. sieglu XV) foi una doctora italiana, una de les poques muyeres de les que se conoz que practicaben la Medicina na Edá Media. Yera fía del doctor Salvatori Calienda, decanu de la Escuela de Medicina de Salerno. Créese que llogró titulase como doctora en Medicina na Universidá de Nápoles, dempués d'aprobar un exame, y que foi la primer occidental en llograr esti títulu, probablemente ente 1422-1423. Sicasí los documentos que respuenden por estos datos fueron destruyíos mientres la Segunda Guerra Mundial, anque inda esisten delles copies.
Nel estudiu de Salvatore De Renzi sobre la Escuela de Medicina de Salerno realizáu nel sieglu XIX, Calienda ye una de les cuatro muyeres mentaes —xunto con Rebecca Guarna, Abella y Mercuriade— que se sabe que practicaben medicina, impartíen conferencies sobre medicina y escribíen trataos.Green, Monica (iviernu de 1989). «Women's Medical Practice and Health Care in Medieval Europe». Signs 14(2): 453. Working Together in the Middle Ages: Perspectives on Women's Communities. Forma parte del grupu de muyeres conocíu como Mulieres Salernitanae, esto ye, Dames o Muyeres de Salerno.Oakes, Elizabeth H (2007). Encyclopedia of World Scientists. Nueva York: Infobase Publishing. ISBN 9781438118826
Ver tamién Clarice de Durisio
Referencies
Categoría:Médicos y médiques d'Italia Categoría:Wikipedia:Mantenimientu:Persones ensin plantía nym