Cristina Saavedra Pita ye una periodista española.
Biografía Llicenciada en periodismu pola Universidá de Santiago de Compostela, empecipió la so trayeutoria profesional como reportera na Televisión de Galicia onde darréu foi presentadora d'informativos mientres cuatro años.
Más tarde daría'l saltu a la televisión nacional, convirtiéndose nuna cara popular gracies al programa de corazón Agora, un espaciu qu'empezó siendo diariu (de llunes a vienres) y que nun principiu copresentaba xunto col tamién periodista gallegu Liborio García. Finalmente pasó a faese cargu del programa en solitario y la periodicidad d'ésti pasó a ser selmanal, los sábados. Agora tuvo n'emisión en Antena 3 mientres cuasi seis años, dende 2000 hasta'l branu de 2006, emitiéndose más de quinientos programes.
Poco dempués de que rematara Agora, Saavedra fichó por La Sexta, onde volvió al xéneru del informativu. Dende setiembre de 2006 hasta finales del 2012 foi la presentadora sustituta del informativu de nueche de los domingos de La Sexta Noticias, el más vistu de la cadena, con una audiencia que ronda'l 11 % de cuota de pantalla. Anguaño presenta La Sexta Noticias 2ª Edición (20h)
Tamién ye destacable el so llabor humanitariu, siendo la responsable del proyeutu de la ONG Global Humanitaria en Costa de Marfil.
En 2016 concedióse-y el Premiu Antena d'Oru 2016, gallardones qu'añalmente concede la Federación d'Asociaciones de Radio y Televisión d'España, pol so llabor como presentadora de Noticies 20 Hores, de La Sexta.La gallega Cristina Saavedra recibe'l Premiu Antena d'Oru
La presentadora participa en 2017, de forma recurrente, na serie La casa de papel, d'Antena 3, nel so papel de presentadora de laSexta Noticies, llegando a formar parte de 8 episodios.
Referencies
Enllaces esternos
Entrevista en La Guía TV, 2006
Categoría:Presentadores de televisión d'España Categoría:Periodistes d'España Categoría:Persones d'A Coruña Categoría:Presentadores de televisión de Galicia Categoría:Ganadores del Premiu Antena d'Oru