Catherine Trautmann, nacida Argence, ye una política alsaciana. Estudió na Facultá de Teoloxía Protestante d'Estrasburgu y ye especialista en lliteratura copta. Militante del Partíu Socialista de Francia, dende'l 1987 ye miembru del Conseyu Nacional, diputada pol So Rin ente 1986-1988 y secretaria d'estáu de trabayu nel gobiernu de Michel Rocard. En 1989 foi escoyida alcaldesa d'Estrasburgu (yera rexidora dende'l 1983), presidenta de la comunidá urbana d'Estrasburgu y diputada nel Parllamentu Européu, cargos qu'ocupó hasta'l 1997.
Darréu foi ministra de cultura del gobiernu de Lionel Jospin en 1997-2000 y voceru del gobiernu en 1997-1998. Foi nuevamente escoyida presidenta de la comunidá urbana d'Estrasburgu en 2000-2001, y vicepresidenta el 2008. El 2004 foi escoyida nuevamente diputada del Parllamentu Européu, y ye vicepresidenta de la Comisión d'Industria.
Polémiques Trautmann foi criticada por homofobia depués de negase a apertar la mano del sobreviviente gai del holocaustu Pierre Seel nun eventu d'alcordanza.Independent.co.uk
Referencies
Enllaces esternos
Categoría:Caballeros de la Lexón d'Honor Categoría:Eurodiputaos y eurodiputaes de Francia Categoría:Ministros y ministres de Francia Categoría:Persones d'Estrasburgu Categoría:Socialistes de Francia