Cecilia Berdichevski foi una programadora arxentina, pionera nel área d'informática y nel usu de Clementina. Dempués de la Nueche de los Cayaos Llargos empezó a trabayar na empresa de Sadosky, Guber y Chamero.
Trayeutoria profesional Berdichevski estudió matemátiques na Facultá de Ciencies Exactes de la Universidá de Buenos Aires onde tuvo los sos primeros acercamientos a la informática. Tomó cursos cola programadora inglesa Cicely Popplewell y col español Ernesto García Camarero, convirtiéndose na primer programadora de la primer gran ordenador que tuvo l'Arxentina. Depués siguió los sos estudios en Manchester y volvió a l'Arxentina en 1963. Amás de ser programadora, Cecilia tamién trabayó como Xefa de Trabayos Práuticos de Cálculu Numbéricu I, onde'l profesor titular yera Sadosky.
En 1962 llogró una beca pa trabayar na University of London Computer Unit y depués siguió'l so trabayu en Francia.
Cecilia trabayó en distintes empreses amestaes a la teunoloxía como: ACT, la empresa de Sadosky, Guber y Chamero; EIVISSA; y, en 1984, pasó a ser subgerente Xeneral de la Caxa d'Aforru, a cargu del Centru de Cómputos. Depués de la so xubilación, trabayó como consultora n'informática y participó n'importantes proyeutos y organismos internacionales como'l PNUD.
Referencies
Enllaces esternos
Categoría:Programadores Categoría:Científicos y científiques d'Arxentina Categoría:Persones de Vilnius