Charlotte Shelby foi una popular actriz teatral d'Estaos Xuníos, y conocida tamién por ser sospechosa del asesinatu del direutor de cine de Hollywood, William Desmond Taylor.
Resume biográficu El so verdaderu nome yera Lily Pearl Miles Reilly, y nació en Shreveport (Luisiana).
Shelby foi la madre de les actrices Mary Miles Minter y Margaret Shelby, y sería una personalidá dominante y remanador de les carreres interpretatives de les sos fíes.
Con rellación al asesinatu de William Desmond Taylor, que caltenía una rellación romántica con Mary Miles Minter, abarruntóse que l'autora yera Shelby. Sicasí, cuasi venti años dempués del crime, les autoridaes xudiciales de Los Angeles concluyeron que nun esistía evidencia qu'inculpara a Shelby.
Mientres munchos años caltuvo amargoses diputas coles sos fíes por causa de les ganancies qu'elles consiguieron siendo nueves actrices, y qu'ella controlaría. Margaret finó en 1939 por problemes derivaos d'un alcoholismu, ente que Mary reconcilióse totalmente cola so madre.
Charlotte Shelby finó en 1957 en Santa Monica (California). Foi soterrada nel Campusantu Forest Lawn Memorial Park de Glendale (California). Darréu, Mary Miles Minter incineró y espardió los sos restos, al igual que fizo colos de la so hermana Margaret.
Filmografía Dimples (1916) Always in the Way (1915) The Fairy and the Waif (1915)
Teatru Love Watches (1908)
Referencies
Enllaces esternos
Entrevistes y testimonios de Charlotte Shelby sobre Taylor: #6 (1929), #12 (1937), #35 (1935), #81 (1929)
Categoría:Actores y actrices d'Estaos Xuníos Categoría:Actores y actrices de teatru d'Estaos Xuníos Categoría:Actores y actrices de cine mudu